KK Vršac

club de baloncesto de Vršac (Serbia)

O Košarkaški Klub Vršac (en serbio: Кошаркашки клуб Вршац) é un club de baloncesto profesional da cidade de Vršac, Voivodina (Serbia). Compite na KLS serbia. O club posúe tamén unha sección feminina, que tamén compite na máxima categoría nacional. O seu pavillón é o Millennium Center, que conta con capacidade para 5.000 espectadores.[1] O único título conseguido polo club até o momento foi unha Liga do Adriático en 2005. Durante súa maior época de esplendor, o club foi coñecido por motivos de patrocinio co nome de KK Hemofarm.

KK Vršac
Información xeral
Nome Košarkaški Klub Vršac
Кошаркашки клуб Вршац
Liga KLS
Fundación 1946
Historia KK Hemofarm (1992–2012)
Cores           Granate, branco
Presidente Vladan Majstorović
Adestrador Siniša Matić
Localización
Cidade Vršac, Serbia
Pavillón Millennium Center
Capacidade 4 400
Inauguración 5 de abril de 2001
Campionatos
ABA Liga 1 (2005)
kls.rs/kk-vrsac

Historia editar

O club naceu en 1946 baixo o nome de "Jedinstvo", mais non conseguiu competir nas máximas competicións nacionais (nivel nacional iugoslavo) até 1959, cun nome diferente: "Mladost". Por motivos de patrocinio o club troca o seu nome polo de "Inex Brixol" en 1967, e "Agropanonija" en 1968. En 1977 o club pasa a competir baixo o nome da cidade "Vršac". Iso será até 1981, cando por mor dun novo patrocinio con "Inex Hemofarm, o nome do club troca polo de "Inex Vršac".

En 1982, o club participa por primeira vez na Liga de Voivodina, e na tempada 1986-87 ascende á "B-League" logo de acadar a primeira praza nesa competición. En 1992, o grupo Hemofarm convértese no principal patrocinador, e en 1998 o club finaliza no primeiro lugar da "B-League", ascendendo á YUBA Liga, a máxima categoría nacional. No ano 2000 o club finaliza na cuarta praza na liga e consegue polo tanto unha praza para disputar a Copa Korać na tempada seguinte.

No 2005 chegou o primeiro, e até o de agora único título importante do club, ao proclamarse campión da Liga do Adriático tras gañar na final ao KK Partizan por 89 a 76, e tendo finalizado tamén a liga regular ese ano na primeira posición, cun balance de 22 vitorias e 8 derrotas. O Hemofarm disputou novamente a final da Liga do Adriático na tempada 2007-08, perdéndoa fronte ao Partizan por 69 a 51.

Pavillón editar

Artigo principal: Millennium Center.

O Millennium Center (ou Millennium Hall) é un pavillón deportivo é un centro de negocios situado na cidade de Vršac, e que acolle os partidos como local do Hemofarm. O Millennium Center acolleu tamén algúns encontros do Eurobasket 2005 durante o mes de setembro, concretamente do grupo A da fase preliminar onde se enfrontaron as seleccións de Rusia, Alemaña, Italia e Ucraína. A súa capacidade é de 5.000 espectadores.

Xogadores editar

Destacados editar

Adestradores editar

  •   Miroslav Kanjevac (1994–1995)
  •   Marin Sedlaček (1995–1996)
  •   Ivan Jeremić (1996–1997)
  •   Slobodan Lukić (1997–1998)
  •   Željko Lukajić (1998–2005)
  •   Luka Pavićević (2005)
  •   Miroslav Nikolić (2005–2008)
  •   Vlada Vukoičić (2008)
  •   Stevan Karadžić (2008–2010)
  •   Željko Lukajić (2010–2012)
  •   Dušan Gvozdić (2012)
  •   Nebojša Bogavac (2012)
  •   Oliver Popović (2012–2014)
  •   Dušan Gvozdić (2014–2015)
  •   Miloš Pejić (2015–2016)
  •   Milan Gurović (2016)
  •   Vladimir Đokić (2016–2018)
  •   Goran Topić (2018)
  •   Mihajlo Mitić (2018)
  •   Branko Maksimović (2018)
  •   Darko Kostić (2019–2020)
  •   Zoran Todorović (2020)
  •   Vladimir Lučić (2020–2021)
  •   Vladimir Đokić (2021–2022)
  •   Siniša Matić (2022–presente)

Palmarés editar

Liga do Adriático

  • Campións (1): 2005
  • Subcmpións (1): 2008

Notas editar

  1. "Millennium.rs - SPORTS HALL". Arquivado dende o orixinal o 23 de xuño de 2010. Consultado o 21 de xuño de 2010. 

Véxase tamén editar

Ligazóns externas editar