Serbia e Montenegro
Serbia e Montenegro foi un estado federal situado nos Balcáns, descendente directo da Iugoslavia e composto polas repúblicas da Serbia e de Montenegro. Confinaba ao norte con Hungría, ao leste con Romanía e Bulgaria, ao sur coa Macedonia do Norte e Albania e ao oeste co mar Adriático (a través do cal contactaba con Italia), Bosnia e Hercegovina e Croacia. A capital do país era a cidade de Belgrado.
| Државна заједница Србија и Црна Гора Državna zajednica Srbija i Crna Gora Unión de Estados de Serbia e Montenegro | |||||
| |||||
| |||||
 | |||||
| Capital | Belgrado | ||||
| Lingua | Serbio e outras | ||||
| Goberno | n/d | ||||
| Período histórico | Posguerra Fría | ||||
| • Establecido | 4 de febreiro de 2003 | ||||
| • Disolución | 2006 | ||||
.svg)
HistoriaEditar
No ano 2003 a República Federal de Iugoslavia composta por Serbia e Montenegro renovou a súa Carta Constitucional reestruturando o estado e mudando o nome por Unión dos Estados de Serbia e Montenegro. Porén dos cambios no estado, a bandeira, himno e escudo seguiron sendo os mesmos.
O 22 de maio de 2006 celebrouse en Montenegro un referendo no que os cidadáns montenegrinos residentes nesta república decidiron a independencia, o que levou á constitución dun estado propio e independente para Montenegro e á disolución da federación de Serbia e Montenegro.
Divisións administrativasEditar
Serbia e Montenegro estaba composta de catro unidades políticas principais, dúas repúblicas e dúas provincias autónomas subordinadas:
República de Serbia (con capital en Belgrado)
- Voivodina – provincia autónoma (capital: Novi Sad)
- Kosovo e Metohija – provincia autónoma. Baixo a administración das Nacións Unidas tras a Guerra de Kosovo. (capital: Priština)
República de Montenegro (capital: Podgorica)
.svg){kind=small}
.svg){kind=small}
A organización territorial de Serbia estaba regulamentada pola Lei de Organización Territorial e Goberno Local, adoptada na Asemblea de Serbia o 24 de xullo de 1991. Baixo a Lei, os municipios, cidades e asentamentos establecían as bases da organización territorial.
Serbia estaba dividida en 195 municipios e 4 cidades, que eran as unidades básicas da autonomía local. Tiña dúas provincias autónomas Kosovo e Metohija no sur e Vojvodina no norte. A parte de Serbia que non forma parte destas dúas provincias é coñecida como Serbia Central.
Montenegro ten 21 municipios (Општина, opština), e dous municipios urbanos (градска општина, gradska opština), subdivisiónns do municipio de Podgorica.
DeporteEditar
- Artigo principal: Serbia e Montenegro nos Xogos Olímpicos.
Festas en Serbia e MontenegroEditar
| Data | Nome |
|---|---|
| 1 de xaneiro | Aninovo |
| 7 de xaneiro | Nadal ortodoxo |
| 27 de xaneiro | Día da Espiritualidade |
| 27 de abril | Día da Constitución |
| (Varía co ano) | Venres Santo Ortodoxo |
| (Varía co ano) | Semana Santa Ortodoxa |
| (Varía co ano) | Luns de Pascua Ortodoxo |
| 1 de maio | Día do Traballo |
| 9 de maio | Día da Vitoria |
| 28 de xuño | Vidovdan (Día dos Mártires) |
- Só en Serbia
- 15 de febreiro - Sretenje (Día Nacional)
- Só Montenegro
- 13 de xullo - Día do Estado