Cyanocorax yucatanicus

Cyanocorax yucatanicus é unha especie de ave paseriforme da familia dos córvidos, unha das 17 comprendidas no xénero Cyanocorax.

Cyanocorax yucatanicus
Adulto en México.
Estado de conservación
Pouco preocupante
Clasificación científica
Reino: Animalia Filo: Chordata Subfilo: Vertebrata Clase: Aves Orde: Passeriformes Suborde: Passeri Superfamilia: Corvoidea Familia: Corvidae Xénero: Cyanocorax Especie: C. yucatanicus
Nome binomial
Cyanocorax yucatanicus (Dubois, 1875)
Área de distribución de Cyanocorax yucatanicus Área de distribución de Cyanocorax yucatanicus

É unha especie case endémica da península do Iucatán, pero tamén habita en Belize, Guatemala (El Petén) e no sur de México (estados de Quintana Roo, Campeche, Iucatán e Tabasco).

O seu hábitat natural son os bosques secos subtropicais e tropicais, e os bosques antigos degradados.

Taxonomía

Descrición

A especie foi descrita en 1875 polo ornitólogo belga Alphonse Joseph Charles Dubois, baixo o nome de Cissilopha yucatanica.

Sinónimo

Ademais de polo nome actualmente válido, a especie coñceuse tamén polo sinónimo:

• Cissilopha yucatanica (protónimo)

Subespecies

Na especie recoñecense dúas subespecies:

• Cyanocorax yucatanicus rivularis (Brodkorb, 1940)
• Cyanocorax yucatanicus yucatanicus (A. J. C. Dubois, 1875)

Características

Cyanocorax yucatanicus mide aproximadamente 30 cm de lonxitude. Os adultos teñen a plumaxe negra na maior parte do corpo, coas ás, o dorso e a cola de cor azul cerúlea; os peteiros son negros. Os aneis oculares e as patas son de cor amarela. Os xuvenís do Iucatán teñen as partes espidas completamente amarelas e a plumaxe corporal branca en lugar de negra. Mudan a plumaxe branca en setembro ou outubro, pero conservan o bico amarelo e o anel dos ollos durante uns meses máis. Tamén teñen as rectrices coa punta pálida, das que carecen os adultos.

Distribución e hábitat

Atópase principalmente na península de Iucatán, que comprende a parte norte de Belize e o departamento de El Petén do norte de Guatemala e os estados mexicanos de Iucatán, Quintana Roo e Campeche. Tamén está presente en partes dos estados veciños de Chiapas e Tabasco.

Os seus hábitats naturais son bosques secos tropicais e subtropicais, antigos bosques moi degradados e plantacións, encontrándose até os 250 m de altitude.

Estado de conservación

A Unión Internacional para a Conservación da Natureza e dos Recursos Naturais (UICN), considerdo que Cyanocorax yucatanicus é unha especie común na maior parte da súa área de distribución, que é unha especie adaptábel e pénsase que a poboación vai aumentando a medida que a roza dos bosques está creando novas áreas de hábitat axeitado, e que non se identificaron ameazas particulares cualifica o seu status como LC (pouco preocupante).

Galería

• 
  En Quintana Roo
• 
  En Belize
• 
  Comendo no chan
• 
  Inmaturo
• 
  Inmaturos en México

Véxase tamén

Bibliografía

• Bird, J .P., Martin, R., Akçakaya, H. R., Gilroy, J., Burfield, I. J., Garnett, S. G., Symes, A., Taylor, J., Şekercioğlu, Ç. H. and Butchart, S. H. M. (2020): "Generation lengths of the world’s birds and their implications for extinction risk". Conservation Biology 34 (5): 1252-1261.

Outros artigos

• Córvidos
• Cyanocorax

Ligazóns externas

• Yucatan Jay videos on the Internet Bird Collection
• Yucatan Jay photo gallery VIREO
• Photo-Medium Res Arquivado 07 de febreiro de 2012 en Wayback Machine.; Article Arquivado 04 de marzo de 2016 en Wayback Machine. mangoverde Photo no. 2 of 5 Arquivado 06 de marzo de 2016 en Wayback Machine.
• Photo; Article world.std.com&ndaslh;"Mexican Birds: Villahermosa and Palenque" Photo-2