Comarca de Ferrol

comarca na provincia da Coruña

A comarca de Ferrol é unha comarca galega situada na provincia da Coruña e a súa capital é Ferrol. A ela pertencen os concellos de Ares, Cedeira, Fene, Ferrol, Moeche, Mugardos, Narón, Neda, San Sadurniño, As Somozas e Valdoviño. Limita ao norte e ao leste co océano Atlántico, ao leste coa comarca do Ortegal e ao sur coa comarca do Eume. Ten unha extensión de 623,45 km² e conta cunha poboación de 151.822 habitantes no 2020, distribuídos en 11 concellos.[1]

Modelo:Xeografía políticaComarca de Ferrol
Imaxe

Localización
lang=gl Editar o valor em Wikidata Mapa
 43°30′N 8°06′O / 43.5, -8.1Coordenadas: 43°30′N 8°06′O / 43.5, -8.1
EstadoEspaña
Comunidade autónomaGalicia
ProvinciaProvincia da Coruña Editar o valor em Wikidata
CapitalFerrol Editar o valor em Wikidata
Contén a división administrativa
Poboación
Poboación151.822 (2020) Editar o valor em Wikidata (243,52 hab./km²)
Xeografía
Superficie623,45 km² Editar o valor em Wikidata

Concellos da comarca de Ferrol:
1. Ares
2. Cedeira
3. Fene
4. Ferrol
5. Moeche
6. Mugardos
7. Narón
8. Neda
9. San Sadurniño
10. As Somozas
11. Valdoviño

Xunto coas comarcas de Eume e Ortegal, integra a ambigua e non oficial Ferrolterra.

Descrición editar

A comarca pódese dividir en tres subcomarcas claramente diferenciadas:

  • Os concellos bañados pola ría de Ferrol: Ares, Fene, Ferrol, Mugardos, Narón e Neda. Moi cohesionados entre si, son pequenos en extensión e teñen gran densidade de poboación; dependen en gran medida de Ferrol e Narón nas súas relacións. Desde 1971 existe unha Mancomunidade de Concellos da comarca Ferrol, na que se integrou Valdoviño en 1977.
  • Unha segunda zona, a máis afastada da costa, esténdese polos concellos de Valdoviño, San Sadurniño, Moeche e As Somozas.
  • A terceira consiste en Cedeira.

En todos os casos as intensas relacións funcionais con Ferrol integran estas diferentes vinculacións locais nunha unidade comarcal de orde superior moi condicionada por relacións económicas, sociais, administrativas e sanitarias. Ferrol é o concello de mallor importancia económica e o de maior poboación. A administración estatal, moi vinculada a intereses militares, a Xunta de Galicia e a xudicatura teñen a súa sede en Ferrol. A sanidade está artellada na organización do Sergas con sede no Complexo Hospitalario Arquitecto Marcide-Novoa Santos.

Demografía editar

Padrón municipal 2020 151.822 habitantes[1]
Menores de 15 anos 18.365 (12,10%)
Entre 16 e 64 anos 92.495 (60,92%)
Maiores de 65 anos 40.962 (26,98%)

Concellos editar

Pertencen á comarca de Ferrol os seguintes 11 concellos:

Galería de imaxes editar

Vexa o artigo principal en Galería de imaxes da comarca de Ferrol

Notas editar

  1. 1,0 1,1 "IGE - Información comarcal". www.ige.eu. Arquivado dende o orixinal o 20 de setembro de 2021. Consultado o 2021-04-10. 

Véxase tamén editar

Bibliografía editar

  • Romero Masiá, A. M. e Pose Mesura, X. M. 1986. Catalogación arqueolóxica da Ría de Ferrol. Sada, Museo Arqueolóxico Provincial - Concello de A Coruña (Monografía urxentes do Museu, 2).

Outros artigos editar

Ligazóns externas editar