Comarca de Eume

Comarca de Eume
Provincia	Provincia da Coruña
Área	538,61 km²
Poboación	24.223 hab. (2020)
Densidade	44,97 hab./km²
Concellos	A Capela; As Pontes de García Rodríguez; Cabanas; Pontedeume; Monfero
	v; c; e;

A comarca de Eume^[1] é unha comarca galega situada na provincia da Coruña. Pertencen a esta comarca os concellos da Capela, As Pontes de García Rodríguez, Cabanas, Pontedeume e Monfero. Limita ao norte coas comarcas de Ferrol e Ortegal, ao sur coa de Betanzos e ao leste coa da Terra Chá pertencente á provincia de Lugo. A capital da comarca é Pontedeume^[2]

Características editar

Ten unha superficie total de 538,61 km²,^[3] o que supón o 1,95% da superficie total de Galiza. A comarca recibe o seu nome do río Eume, río que alberga nas súas marxes o parque natural das Fragas do Eume, no que se atopan o medieval mosteiro de San Xoán de Caaveiro e o mosteiro de Monfero.

Demografía editar

A poboación total da comarca era de 24.223 habitantes no 2020, aproximadamente o 0,9% do total da poboación galega, e a densidade de poboación é de 44,97 habitantes por km².

Padrón municipal ²⁰²⁰	24.223 habitantes^[3]
Menores de 15 anos	2.558 (10,56 %)
Entre 16 e 64 anos	14.910 (61,55 %)
Maiores de 65 anos	6.755 (27,89 %)

Concellos da comarca do Eume editar

Comarca do Eume

Concello	Poboación (2020)^[4]	Extensión (km²)^[5]	Densidade (hab./km²)
A Capela	1 221	58,00	21,05
As Pontes de García Rodríguez	10 068	249,37	40,37
Cabanas	3 274	30,30	108,05
Pontedeume	7 753	29,26	264,97
Monfero	1 907	171,67	11,11
Eume	24 223	538,61	44,97