Chris Craft
Christopher Craft, nado en Porthleven (Cornualla) o 17 de novembro de 1939, é un expiloto de automobilismo inglés, que competiu en moitas formas diferentes de deportes de motor.
| Biografía | |
|---|---|
| Nacemento | 17 de novembro de 1939  Porthleven, Reino Unido (pt)  |
| Morte | 20 de febreiro de 2021 (81 anos) Essex, Reino Unido (en) |
| Actividade | |
| Ocupación | piloto de Fórmula Un, enxeñeiro mecánico, piloto de automobilismo |
| Deporte | automobilismo |
| Participou en | |
| 24 Horas de Le Mans |
|
| A Galipedia ten un portal sobre: Fórmula 1 |
Traxectoria
editarCraft comezou a súa carreira en 1962, cun Ford Anglia[1] e converteuse nun recoñecido piloto de automóbiles de turismo, especialmente co Team Broadpeed Escort co que fixo as tempadas desde 1968-70.[1] Logo de pilotar previamente un Tecno na Fórmula 3, mudouse aos coches deportivos desde 1968, inicialmente cun Chevron e entón uniu forzas con Alain de Cadenet para pilotar o seu Porsche 908 e o McLaren M8C.[1] Foi esta asociación o que levou á súa participación en dous Grandes Premios de Fórmula Un, en 1971, pilotou un Brabham BT33 preparado para a Ecurie Evergreen do equipo de Cadenet, pero non conseguiu ningún punto de campionato. Non clasificou para a súa primeira carreira do Campionato do Mundo (o Gran Premio do Canadá de 1971 no Circuíto de Mosport Park), pero puido comezar a carreira despois da retirada doutros dous pilotos debido a accidentes nas sesións de quecemento o día da carreira. Con todo, o seu propio coche sufriu problemas no motor, negándolle a oportunidade.[2] O seu segundo Gran Premio, en Watkins Glen, acabou cunha falla na suspensión e problemas de pneumáticos durante a carreira.[3]
Craft continuou a competir en moitas outras formas de carreiras de automóbiles, incluíndo turismos, principalmente cun Ford Capri, coches deportivos, incluíndo un período co equipo Dome a principios dos anos oitenta; Fórmula 3 e Fórmula 5000. Un dos momentos máis destacados da súa carreira foi o terceiro posto nas 24 Horas de Le Mans de 1976.
Logo da súa carreira, Chris Craft creou a Light Car Company co deseñador de F1 Gordon Murray para construír Light Car Company Rocket.[4]
Resultados completos na Fórmula Un
editar(Chave) As carreiras en letra grosa indican pole position; as carreiras en cursiva indican volta rápida.
| Ano | Equipo | Chasis | Motor | 1 | 2 | 3 | 4 | 5 | 6 | 7 | 8 | 9 | 10 | 11 | Pos. | Puntos |
|---|---|---|---|---|---|---|---|---|---|---|---|---|---|---|---|---|
| 1971 | Ecurie Evergreen | Brabham BT33 | Cosworth V8 | RSA | ESP | MON | NED | FRA | GBR | ALE | AUT | ITA | CAN NSC |
USA Ret |
NC | 0 |
Notas
editar- ↑ 1,0 1,1 1,2 Small, Steve. The Complete Guinness Grand Prix Who's Who. Guinness. p. 115. ISBN 0851127029.
- ↑ Lang, Mike (1982). Grand Prix! Vol 2. Haynes Publishing Group. p. 166. ISBN 0-85429-321-3.
- ↑ Small, Steve. The Complete Guinness Grand Prix Who's Who. Guinness. p. 114. ISBN 0851127029.
- ↑ Ernst, Kurt (15 de setembro de 2014). "Hemmings Find of the Day – 1992 Light Car Company Rocket". Hemmings Daily. Consultado o 28 de decembro de 2014.
Véxase tamén
editarWikimedia Commons ten máis contidos multimedia na categoría: Chris Craft  |