Aneis olímpicos
Os aneis olímpicos son o principal símbolo dos xogos olímpicos. Este símbolo está composto por cinco aneis entrelazados de cores azul, negra, vermella, amarela e verde.
A bandeira olímpica está composta polo símbolo dos aneis olímpicos sobre fondo branco. Ademais hai outros dous símbolos olímpicos que son: o facho olímpico e mailo credo olímpico.
Orixe dos aneis editar
Pierre de Coubertin ―na Revue Olympique de agosto de 1913―, informou a respecto do símbolo que utilizaría en 1914 o Congreso Olímpico de París:
Así mesmo, na revista do Comité Olímpico Internacional Olympic Magazine, de novembro de 1992, o historiador estadounidense Robert Barney comenta que a idea dos aneis de Pierre de Coubertin veu do emblema da «Unión Francesa de Sociedades de Deportes Atléticos» de dous aneis entrelazados (como o clásico emblema significando unha parella en matrimonio) coas cores azul e vermella sobre fondo branco adoptando as cores da bandeira de Francia organismo fundado pola unión de dúas asociacións deportivas francesas e que dirixiu até 1925 o Movemento Olímpico en Francia, a cal dirixía, e das ideas do psicólogo Carl Gustav Jung que comenta que o círculo representa a continuidade e tamén o ser humano.[1]
Bandeira olímpica editar
A bandeira olímpica está en proporción 2:3, e o seu uso está estritamente regulado polo Comité Olímpico Internacional, do mesmo xeito ca o dos aneis.
A bandeira olímpica ízase en todas as cerimonias de apertura dos Xogos Olímpicos, dende os Xogos Olímpicos de Anveres 1920 até a actualidade[2].
Simboloxía dos aneis editar
A teoría máis difundida e máis probábel, é que os cinco aneis representen os cinco continentes que participan das olimpíadas, sendo estes: Oceanía, Américas, África, Europa e Asia. Porén, o COI rexeita esta idea, e en 1951, o Comité Executivo suprimiu, por falta de probas que o sustentase, a mención que existía até entón na Carta Olímpica da asociación dos cinco aneis de cores aos cinco continentes.
Tampouco é certo que o deseño dos aneis proveña dunha pedra atopada en Delfos[3].
Usos dos aneis editar
Segundo o COI, existen diversos tipos de usos para os símbolos olímpicos:
- As medallas olímpicas levan os cinco aneis. Apareceron por vez primeira nos Xogos Olímpicos de París 1924, reaparecendo nos eventos ecuestres realizados en Estocolmo durante os Xogos Olímpicos de 1956. Desde os Xogos Olímpicos de Montreal 1976 utilízanse regularmente nos Xogos de Verán. Nos Xogos de Inverno, utilízanse desde os Xogos Olímpicos de Sankt-Moritz 1928.
- Os emblemas olímpicos, tanto dos diferentes logos dos xogos como nos emblemas dos 204 comités olímpicos nacionais.
- Os carteis oficiais dos Xogos Olímpicos. O primeiro en que aparecen os aneis é o cartel dos Xogos Olímpicos de Sankt-Moritz 1928 e, no caso dos Xogos de Verán, desde os Xogos Olímpicos dos Ánxeles 1932.
- Nos souvenirs e obxectos publicitarios dos xogos. Utilizáronse por vez primeira nos Xogos Olímpicos de Chamonix 1924.
- En selos postais e filatelia, desde os Xogos Olímpicos de Ámsterdam 1928.
- No escudo da cidade de Lausana (Suíza) declarada como capital olímpica desde 1993, por ser colexio do Comité Olímpico Internacional desde 1913.
Notas editar
- ↑ Asociaciones deportivas de Francia.[Ligazón morta]
- ↑ "Cerimonia de Anveres.". Arquivado dende o orixinal o 02 de febreiro de 2014. Consultado o 05 de agosto de 2016.
- ↑ (en inglés) "Official Reports: Decision adopted by the Executive Committee" (PDF). Bulletin du Comité International Olympique (Olympic Review) (en inglés) (Lausana) (25). Xaneiro de 1951. Arquivado dende o orixinal (PDF) o 15 de xullo de 2012. Consultado o 23 de febreiro de 2013.
Véxase tamén editar
| A Galipedia ten un portal sobre: Xogos Olímpicos |
Ligazóns externas editar
- Tratado de Nairobi de Protección aos Símbolos OlímpicosArquivado 30 de setembro de 2013 en Wayback Machine.