Semana Santa
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2022.) |
A Semana Santa é unha celebración cristiá que conmemora a Paixón de Cristo, que engloba a entrada en Xerusalén, a Última Cea, o viacrucis, morte e a resurrección de Xesucristo. A súa data de celebración é variable, entre marzo e abril. Dá comezo co Domingo de Ramos e finaliza o Domingo de Resurrección, aínda que a súa celebración iníciase en varios lugares o venres anterior ao Domingo de Ramos, coñecido como Venres de Dores.
Durante a Semana Santa teñen lugar numerosas mostras de relixiosidade popular por todo o mundo, destacando as procesións, as penitencias e as representacións da Paixón, morte e resurrección de Xesús.
Data editar
A Semana Santa celébrase na primavera, pero non coincide cunha data determinada do calendario, xa que ven determinada polo calendario lunar. A Pascua de Resurrección é o domingo inmediatamente posterior á primeira lúa chea despois do equinoccio de marzo e calcúlase empregando a lúa chea astronómica. Por este motivo oscila entre o 22 de marzo e o 25 de abril, ambos os dous incluídos.
As igrexas occidental e oriental utilizan calendarios diferentes para determinar o día de Pascua (o gregoriano en occidente e o xuliano en oriente), e aínda non chegaron a ningún acordo para unificar o criterio.
Días da Semana Santa editar
Aínda que oficialmente comeza o Domingo de Ramos e termina o Domingo de Pascua, a Semana Santa inclúe, nalgúns lugares, outros días de celebracións, que cronoloxicamente son os seguintes:
| Día | Celebración |
|---|---|
| Venres de Dores | Sufrimento da Virxe María durante a Semana Santa. |
| Sábado de Paixón | |
| Domingo de Ramos | Entrada triunfal de Xesucristo en Xerusalén. |
| Luns Santo | Unción de Xesús en casa de Lázaro. Xesús expulsa aos mercadores do Templo de Xerusalén. |
| Martes Santo | Xesús anticipa aos seus discípulos a traizón de Xudas Iscariote e as negacións de Pedro. |
| Mércores Santo | Xudas Iscariote conspira co Sanedrín para traizoar a Xesús con trinta moedas de prata. |
| Xoves Santo | Lavatorio dos pés. A Última Cea. Eucaristía. Oración de Xesús no horto de Xetsemaní. Arresto de Xesús. |
| Venres Santo | Prisión de Xesús. Interrogatorios de Caifás e Poncio Pilato. Flaxelación. Coroación de espiñas. Vía Crucis. Crucifixión de Xesús. Sepultura de Xesús. |
| Sábado Santo | Vixilia Pascual. |
| Domingo de Pascua | Resurrección de Xesús. |
| Luns de Pascua | |
| Martes de Pascua | |
| Mércores de Pascua |
Celebracións editar
En gran parte do mundo existen celebracións asociadas á Semana Santa, algunhas delas destacadas como festas de interese turístico internacional.
En Galicia destacan as Semanas Santas de Viveiro e Ferrol, ambas declaradas Festas de interese turístico internacional.
En España as principais celebracións son as de Málaga, Sevilla, Valladolid e Zamora, aínda que tamén están recoñecidas como festas de interese turístico internacional as Semanas Santas de Ávila, Cáceres, Cartaxena, Crevillent, Cuenca, Granada, Hellín, León, Lorca, Medina de Rioseco, Medina del Campo, Mérida, Murcia, Orihuela, Palencia, Salamanca, Toledo e Zaragoza, e a Procesión do Domingo de Ramos de Elx.
Véxase tamén editar
Wikimedia Commons ten máis contidos multimedia na categoría: Semana Santa  |