Pol
Pol é un concello da provincia de Lugo, pertencente á comarca de Meira. Segundo o IGE en 2014 tiña 1.738 habitantes (En 2009 tiña 1.865, 1.913 en 2007).
| Pol | |
|---|---|
 | |
 Casa do concello. | |
 | |
| Situación | |
| Xentilicio[1] | Polense |
| Xeografía | |
| Provincia | Provincia de Lugo |
| Comarca | Comarca de Meira |
| Poboación | 1.582 hab. (2023)[2][3] |
| Área | 125,9 km²[3] |
| Densidade | 12,57 hab./km² |
| Entidades de poboación | 111[4] |
| Capital do concello | Mosteiro |
| Política (2023 [5]) | |
| Alcalde | Lino Rodríguez Ónega (PSdeG-PSOE[6]) |
| Concelleiros | BNG: 1 PPdeG: 2 PSdeG-PSOE: 6 |
| Eleccións municipais en Pol | |
| Uso do galego[7] (2011) | |
| Galegofalantes | 83,83% |
| Na rede | |
| http://www.concellopol.es | |
| [ editar datos en Wikidata ] | |
Xeografía editar
O concello esténdese nas abas dos contrafortes da Serra de Meira polo nordeste e da Serra do Mirador polo sueste. Mosteiro, con 205 habitantes, é a capital desde 1970. A estrada LU-640 (de Lugo á Veiga) pasa polo norte.
As maiores altitudes están no leste (Pena Grande, 935m, Montes da Ferradura, 809 m e Penedo do Pao, 827 m). Nos límites con Castro de Rei a altitude apenas supera os 400 m e os outeiros intermedios non superan os 650 m. Deles parten numerosos regatos e ríos.
Os principais cursos fluviais son, na bacía do río Miño, o río Azúmara e o seu afluente o río Pol polo centro e o río Lea polo suroeste e, cara a vertente cantábrica, o río Lúa, que é afluente do Eo.
Abundan os bosques grandes, como os de Milleirós, con moitos carballos
O clima é oceánico continental, con precipitacións en volta dos 1.000 mm anuais e temperaturas medias anuais baixas. A media no inverno non supera os 6,7 °C; no verán a temperatura é suave (16 °C); 136 días ao ano hai xeada.
Poboación editar
A distribución por tramos de idade da poboación de Pol queda do seguinte xeito:
| Censo total | 1.738 (2014) |
| Menores de 15 anos | 128 (7,36 %) |
| Entre 15 e 64 anos | 982 (56,50 %) |
| Maiores de 65 anos | 628 (36,13 %) |
Historia editar
A poboación prehistórica debeu de ser importante, en razón da abundancia de mámoas e castros[8].
| Os castros que se distinguen no concello: | |
|
|
| Tense constancia de mámoas nos seguintes lugares: | |
|
|
Por Pol pasou unha vía romana que procedía de Astúrica Augusta e se bifurcaba en Valonga cara a Ribadeo e Viveiro. No Museo Provincial de Lugo consérvase unha ara votiva dedicada aos deuses viais. Outros restos romanos son o mosaico da Vila romana de Doncide, en Silva, e a tessera dos zoelas, inscrición na que se recolle un pacto de amizade entre os triadivos e os desoncos, realizado en presenza no maxistrado Abieno, no ano 27 a.C..
Da Idade Media fican sepulturas antropomórficas en Lúa e sartegos en Hermunde. Sábese da existencia de mosteiros en Arcos, Mosteiro e Silva (este último estaba baixo a protección do papa Hadrián IV en 1156). Cando o Císter se instalou en Meira, estes mosteiros desapareceron.
O documento máis antigo que se conserva referido a este concello é de 1222, o testamento dun soldado chamado Froila García, que deixa as súas terras de Pol ao bispado de Lugo. No mesmo século XIII o rei Afonso X o Sabio concedeu unha carta póboa aos habitantes de Luaces, que se asentaron en Valonga. As terras de Luaces, que pertenceran á casa de Lemos, pasaron en 1514 aos Altamira, ao compralas Álvaro Osorio de Moscoso para o seu sobriño, o IV Conde de Altamira.
No século XVIII os Losada eran señores en Pol, que se dividía daquela nas xurisdicións de Luaces (conde de Altamira), Lea (conde de Graxal) e Meira (señorío do Real Colexio de Meira)[9]. Coa creación dos primeiros concellos créanse dous, Luaces e Lea, pero en 1835 créase o actual de Pol, co mesmo territorio a excepción de Lúa.
Galería de imaxes editar
- Artigo principal: Galería de imaxes de Pol.
-
Escultura en homenaxe ós cazadores de Pol na praza de Galicia en Mosteiro. -
Escultura polo 25 aniversario da Festa ó Emigrante na praza de Galicia en Mosteiro. -
Palco da música na praza de Galicia en Mosteiro con placas das festas ó emigrante celebradas no concello. -
Placa da Primeira Festa ó emigrante do concello de Pol no ano 1984 situada no palco da música na praza de Galicia en Mosteiro. -
Vista de Luaces. -
Fonte en Luaces. -
Igrexa de Luaces. -
Castiñeiro en Luaces.
Lugares de Pol editar
Para unha lista completa de todos os lugares do concello de Pol vexa: Lugares de Pol.
Parroquias editar
Notas editar
- ↑ Véxase no Galizionario.
- ↑ Instituto Nacional de Estadística, ed. (27 de decembro de 2019). "Cifras oficiales de población resultantes de la revisión del Padrón municipal a 1 de enero". Consultado o 2 de xuño de 2020.(en castelán).
- ↑ 3,0 3,1 Instituto Galego de Estatística. (2023) "Pol".Información municipal. Sociedade e poboación. Xunta de Galicia.
- ↑ Nomenclátor de Galicia. Busca directa. Xunta de Galicia
- ↑ Goberno de España, Ministerio del Interior (ed.). "Elecciones 2023" (en castelán). Consultado o 21 de xuño de 2023.
- ↑ "El PSdeG gobernará sobre 1,2 millones de gallegos, el PP a 667.000, y el BNG a 360.000". La Voz de Galicia (en castelán). Consultado o 21 de xuño de 2023.
- ↑ Neira, Carlos. "Evolución do uso do galego por concellos". Arquivado dende o orixinal o 5 de decembro de 2019. Consultado o 14 de outubro de 2014.
Fonte: IGE. Datos dispoñibles nas Táboas Dinámicas de Google
- ↑ Pol O Noso Patrimonio
- ↑ [1]
Véxase tamén editar
Wikimedia Commons ten máis contidos multimedia na categoría: Pol  |
|
Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |