Abrir o menú principal

Santiago de Silva é unha parroquia do concello de Pol na provincia de Lugo. Segundo o IGE[1], en 2014 tiña 152 habitantes (73 homes e 79 mulleres).

Silva
Silvaigrexa.jpg
Igrexa parroquial
ConcelloPol
Área5,52 km²
Poboación152 hab. (2014)
Densidade27,54 hab./km²
Entidades de poboación11


Teñen especial vinculación con Silva os lugares de Cuenza, O Bento (desaparecido no século XX), A Rigueira, Gargallán, e A Carreira Blanca (Sitieles), que administrativamente pertencen a Castro de Rei (son os chamados Medianeiros). Medianeiros que tamén se poden incluír en Santa Mariña de Ramil-Castro de Rei.

Houbo muíño en Gargallán no lugar de Muíño Albeiro -no río Azúmara- e outros mais antigos dos cales non quedan restos (A Rigueira -no Rego de Doncide-, A casa do Muíño de Gargallán -no río Azúmara-)

No occidente da parroquia de Silva, o monte de Andraíde convoca na parte mais alta (592 metros) os termos municipais de Pol e Castro de Rei, arriba da paraxe das Louseiras.

HidrografíaEditar

O río Azúmara (Congostro ou Pontedá) percorre a parroquia procedente de Mosteiro e o río Pol (Silva ou Ribeiro) con destino ao río Miño. O rego de Doncide desemboca no Azúmara por Cuenza-Pontedá.

Monumentos e lugares de intereseEditar

FestasEditar

San Brais (3 de febreiro), Santiago (25 de xullo), Nosa Señora do Rosario (7 de outubro -2º domingo de outono-).

CuriosidadesEditar

  • Andraíde: Con só 592 metros é o pico máis alto da parroquia, fai fronteira con Viladonga e Ramil.
  • Houbo en Silva un mosteiro beneditino baixo a protección do papa Hadrián IV en 1156, deixando restos toponímicos (Bento/Bentín).
  • A Penourenta: Penedo con incrustacións de pirita de ferro (típico na lousa de Silva). A pirita de ferro foi chamada tamén "ouro dos parvos". A semellanza co ouro fai que se chame "penourenta", a unha parte do camiño que leva a Silva desde Andión.
  • Pontedá: Curioso topónimo nos medianeiros, podería enlazar con "Abieno de Pontilo" na tessera dos zoelas, de se pensar nunca leira pontiliana, evolutivamente "pontedá". De igual xeito pode pensarse nunca leira bodeciana (Bodecio de Burralo) que dese orixe ao topónimo Bouzoá.
  • O controvertido topónimo Viladonga podería ser un hiperenxebrismo, que roubaría o nome ao tradicional Villadonga (neste caso a procedencia latina viría a través dunha "villula dominica").

Orixe do apelido SilvaEditar

Paio Froila, señor de Silva, casou cunha filla de Vermudo II (982-999), dando orixe a catorce casas nobiliarias repartidas por toda a Península.

Unha Filla de Paio Froila, neta do Rei Vermudo II de León, estando próxima a morrer deu testamento en 1058, na cidade de León (capital do reino) nomeando testamenteiro ao bispo galego Alvito de Mondoñedo, bispo da cidade. Este santo Alvito foi restaurador da igrexa de Cirio en Pol, sendo "o presbítero Aloitus". Da "nobilisima señora dona Fronilde" quedou en hebreo un documento de compra que fixo en León a Josef bar Joab Escapat, o xoves día 20 do mes Marhesvan do año 814 (4 de novembro de 1053).

Lugares e parroquiasEditar

NotasEditar

Véxase taménEditar

Outros artigosEditar