Miles Dewey Davis III, nado en Alton (Illinois) o 26 de maio de 1926 e finado en Nova York o 28 de setembro de 1991, foi un dos músicos de jazz máis importantes da última metade do século XX. Trompetista, director e compositor, Davis encabezou case tódalas principais evolucións do jazz dende a segunda guerra mundial ata os 90. Tocou nalgunhas das primeiras gravacións de bebop e gravou o primeiro cool jazz. Foi en parte responsable do desenvolvemento do jazz modal e o jazz fusion xurdiu do seu traballo con outros músicos entre finais dos 60 e principios dos 70. O free jazz foi o único estilo de jazz de despois da guerra que non foi significativamente influenciado por Davis, aínda que algúns músicos das súas bandas interpretaron despois tal estilo. As súas gravacións, xunto coas interpretacións ó vivo das súas moitas bandas, foron vitais para a aceptación do jazz coma unha música de alto valor artístico. Promotor e innovador, Davis fíxose famoso polo seu estilo melódico e lánguido e pola súa personalidade lacónica e, ás veces, conflitiva. Coma músico de jazz cada vez mellor pagado e máis vestido á moda, Davis foi un símbolo do potencial comercial do jazz.

Infotaula de personaMiles Davis

Editar o valor em Wikidata
Biografía
Nacemento26 de maio de 1926 Editar o valor em Wikidata
Alton, Estados Unidos de América (pt) Traducir Editar o valor em Wikidata
Morte28 de setembro de 1991 Editar o valor em Wikidata (65 anos)
Santa Monica, Estados Unidos de América Editar o valor em Wikidata
Causa da morteIctus
pneumonía Editar o valor em Wikidata
Lugar de sepulturaCemiterio de Woodlawn 40°53′05″N 73°52′19″O / 40.8847, -73.8719 Editar o valor em Wikidata
Datos persoais
Outros nomesMiles Davis Editar o valor em Wikidata
País de nacionalidadeEstados Unidos de América Editar o valor em Wikidata
Grupo étnicoAfroamericano Editar o valor em Wikidata
EducaciónEscola Juilliard
East St. Louis Lincoln High School (en) Traducir Editar o valor em Wikidata
Actividade
Ocupacióncompositor , compositor de cancións , actor , compositor de bandas sonoras , músico , actor de televisión , músico de jazz , director de orquestra , autobiógrafo , trompetista , líder de banda , artista discográfico Editar o valor em Wikidata
Período de actividade1944 Editar o valor em Wikidata - 1991 Editar o valor em Wikidata
Membro de
Xénero artísticoJazz, Bebop, Cool jazz, Hard bop, jazz modal (pt) Traducir e Fusion Editar o valor em Wikidata
ProfesoresElwood Buchanan (en) Traducir, William Vacchiano (pt) Traducir e Jin Editar o valor em Wikidata
LinguaLingua inglesa Editar o valor em Wikidata
InstrumentoTrompeta, sintetizador, Órgano e Fliscorno Editar o valor em Wikidata
Selo discográficoPrestige
Columbia Records
Philips
Capitol Records
ACT
Fontana Editar o valor em Wikidata
Familia
CónxuxeCicely Tyson (1981–1988)
Betty Davis (1968–1969)
Frances Taylor Davis (1959–1968)
PaiMiles Dewey Davis Jr. (pt) Traducir Editar o valor em Wikidata
Premios

Páxina webmilesdavis.com Editar o valor em Wikidata
IMDB: nm0002537 Allocine: 15847 Allmovie: p86914 TV.com: people/miles-davis
Facebook: MilesDavis Twitter: milesdavis Instagram: milesdavis MySpace: milesdavis Youtube: UCIev2PktTH5mI-QlGmbUkiw Spotify: 0kbYTNQb4Pb1rPbbaF0pT4 iTunes: 44984 Last fm: Miles+Davis Musicbrainz: 561d854a-6a28-4aa7-8c99-323e6ce46c2a Songkick: 564879 Discogs: 23755 Allmusic: mn0000423829 WikiTree: Davis-7197 Find a Grave: 261 Deezer: 1910 Genius: Miles-davis Editar o valor em Wikidata

Davis continuou unha liña de trompetistas comezada por Buddy Bolden e evolucionou xunto a Joe "King" Oliver, Louis Armstrong, Roy Eldridge e Dizzy Gillespie. Foi comparado con Duke Ellington coma innovador musical: ámbolos dous foron talentosos intérpretes dos seus instrumentos, mais non considerados tecnicamente virtuosos. O principal potencial de Ellington era coma compositor e líder dunha enorme banda, mentres Davis tivo talento para xuntar a fantásticos músicos en pequenos grupos e darlles espazo para desenvolverse. Moitas das figuras do jazz da posguerra tocaron nunha das bandas de Davis nalgún momento da súa carreira; entre eles, Bill Evans, John Coltrane, Wayne Shorter, Joe Zawinul, Herbie Hancock, Chick Corea e Keith Jarrett.

Tamén é coñecido polas súas versións de cancións da música pop coma "Time after Time", de Cyndi Lauper, e "Guinnevere", de David Crosby. Esta dedicación de Miles Davis á música popular acentuouse na que Joachim Berendt denominou "fase eléctrica", desde os seus álbums In a Silent Way (1969) e Bitches Brew (1970) en diante:

"O solo pasa máis e máis a segundo termo, o grupo faise cada vez máis importante. O disco On the Corner, aparecido en 1973, acentúa nunha medida polo de agora desoñecida en Miles Davis a percusividade da música. Esta percusividade [...] tamén é concesión intencionada ao mercado de discos da música negra. [...] A Miles importáballe acadar desa maneira un público de masas xuvenís como desde Louis Armstrong non o lograra ningún outro músico negro de jazz. [...] O electrizante éxito do 'Miles eléctrico' fixo que o mundo do rock e do pop quixesen acaparar para si a Miles Davis. Miles opúxose [...]: 'Non quero ser home branco. Rock é palabra do home branco.' " [1]

O interese de Miles Davis pola denominada música groove [2] volvería situar o debate musical na relación entre a música contemporánea e a música denominada popular; na defensa desta última e os criterios empregados para xebrala da música composta ou interpretada con fins exclusivamente mercantís.

Miles Davis no Nice Jazz Festival '89

Discografía editar

Artigo principal: Discografía de Miles Davis.

Filmografía editar

Premios editar

Notas editar

  1. Berendt, Joachim Ernst (1976). El jazz. Del Rag al Rock. Popular. México, D. F.: Fondo de Cultura Económica. pp. 149–150. 
  2. "“As posibilidades emancipatorias da música groove” [1], por Steven Shaviro". euseino.org. 2017-02-08. Consultado o 2018-07-13. 

Véxase tamén editar

Bibliografía editar

Ligazóns externas editar