Herbie Hancock

Herbert Jeffrey "Herbie" Hancock, nado en Chicago o 12 de abril de 1940, é un pianista e compositor estadounidense. É recoñecido non só como un dos máis grandes músicos de jazz vivo senón tamén como un dos músicos de jazz máis influente do século XX. A súa música toma elementos do funk e o soul e adopta elementos estilísticos máis libres do jazz. Na súa improvisación posúe unha mestura única e creativa de jazz, blues e música clásica moderna, cun estilo harmónico moi influenciado por Claude Debussy e Maurice Ravel.

Herbie Hancock

Biografía
Nacemento	12 de abril de 1940 (84 anos) Chicago, Estados Unidos de América
Embaixador de Boa Vontade da UNESCO
xullo de 2011 –
Datos persoais
País de nacionalidade	Estados Unidos de América
Grupo étnico	Afroamericano
Relixión	Budismo de Nitiren (pt)
Educación	Grinnell College Hyde Park Academy High School (en) Manhattan School of Music (en) Wendell Phillips Academy High School (en)
Actividade
Ocupación	cantautor , teclista , actor , pianista , músico de jazz , líder de banda , director de orquestra , compositor de bandas sonoras
Período de actividade	1961 -
Empregador	Universidade de California, Os Ánxeles, adjunct professor (en) (2013–)
Membro de	Academia das Artes e das Ciencias dos Estados Unidos
Xénero artístico	Jazz, Bebop, Fusion, Post-bop, jazz modal (pt) , Funk, Hard bop, electro (pt) , jazz-funk (en) , Rhythm and blues, pop rock e música clásica
Profesores	Vittorio Giannini (pt)
Lingua	Lingua inglesa
Instrumento	Piano, keytar (pt) , Piano eléctrico, Frauta, teclado electrónico, sintetizador, ARP Chroma (en) e teclado
Selo discográfico	Blue Note PolyGram Sony BMG Mercury Records Columbia Records Verve Records Warner Bros. Records
Premios (2013)  Premio Kennedy../... 29+
Páxina web	herbiehancock.com

Traxectoria

Como parte do segundo grande quinteto de Miles Davis, Hancock contribuíu a redefinir o rol da sección rítmica de jazz, e foi un dos principais arquitectos do son "post-bop". Logo sería un dos primeiros músicos de jazz en incorporar os sintetizadores e o funk á súa música. A música de Hancock adoita ser melódica e accesible; ten moitos temas a medio camiño entre o jazz e outras músicas e acadou o éxito entre a audiencia pop.

Os traballos en solitario máis coñecidos de Herbie Hancock inclúen "Cantaloupe Island", "Watermelon Man" (interpretada logo por ducias de músicos, como Mongo Santamaría), "Maiden Voyage", "Chameleon" e os sinxelos "I Thought It Was You" e "Rockit". O seu álbum tributo de 2007 "River: The Joni Letters" gañou o grammy de 2008 ao álbum do ano, sendo un dos dous únicos álbums de jazz en gañalo xunto co Getz/Gilberto en 1965.

É practicante da escola Nichiren do budismo Mahayana.