Michelle Yeoh
Michelle Yeoh Choo-Kheng nada en Ipoh (Perak) o 6 de agosto de 1962, é unha actriz, modelo e bailarina malaia de orixe chinesa. O seu nome de nacemento en mandarín é Yáng Zǐqióng. Fala inglés, malaio e posteriormente aprendeu chinés.
.jpg)
Educación editar
Comezou a estudar ballet ós catro anos. Segundo as súas propias declaracións, inspirada polo éxito do filme 'Fame únese á Royal Academy of Dance de Londres en 1980, onde acada o título en danza. Durante os seus estudos en Inglaterra probou técnicas de baile de tendencias como o jazz e o ballet; porén, a súa idea de se converter en prima bailarina truncouse por unha lesión de columna que sufriu nunha sesión de práctica na universidade. Esta lesión levouna a se especializar en coreografía e, por recomendación médica, afástase do baile como dedicación profesional.
Traxectoria editar
En 1983 regresou ó seu país natal, participando e gañando o concurso de beleza Miss Malaisia. Apareceu nun anuncio de televisión xunto a Jackie Chan, o que despertou o interese dalgúns produtores cinematográficos. Apareceu logo nalgúns filmes producidos en Hong Kong cos actores Jackie Chan e Chow Yun-fat. Cando contrae matrimonio co executivo de cinema Dickson Poon en 1988, retírase da actuación até o ano 1992.
Logo do seu divorcio regresou ó cine con relativo éxito. Tralo seu regreso, a meirande parte dos seus papeis foron relacionados con filmes de artes marciais, cos que obtivo grande éxito en Asia. Curiosamente a pesar de non ter recibido adestramento formal en artes marciais é unha das poucas actrices que realizan as acrobacias persoalmente sen a axuda de dobres. Debido á súa crecente fama en Asia foi chamada a coprotagonizar en 1997 007: O mañá nunca morre da saga de James Bond xunto ó irlandés Pierce Brosnan, co que a súa imaxe fíxose máis familiar en occidente. Ese mesmo ano foi seleccionada pola revista "People" como unha das 50 persoas máis fermosas do mundo. Porén, foi o éxito internacional de Wò hǔ cáng lóng (Título orixinal: 臥虎藏龍. Tradución ó galego: "Tigre agazapado, Dragón agochado") xunto a Zhang Ziyi e Chow Yun-fat, dirixida por Ang Lee foi o filme que deparou un maior recoñecemento. Yeoh volveu aparecer en occidente ó coprotagonizar novamente xunto a Zhang Ziyi e co xaponés Ken Watanabe Memorias dunha gueixa, filme producido por Steven Spielberg.
Vida persoal editar
Yeoh casou co empresario de Hong Kong Dickson Poon, que posúe negocios como Harvey Nichols e Charles Jourdan. Despois de divorciarse, o 28 de setembro de 2004 Jean Todt, director do equipo Ferrari da Fórmula 1, anunciou o seu compromiso matrimonial con Michelle Yeoh. Yeoh é de relixión budista. En marzo de 2008, visitou Vietnam para filmar un documental da rexión para a "Asia Injury Prevention Foundation" (AIPF). Yeoh é tamén unha partidaria e embaixadora do proxecto da China comprometido a protexer os tigres do sur da China.
Filmografía editar
| Ano | Título | Papel | Notas |
|---|---|---|---|
| 1984 | The Owl vs Bombo | Miss Yeung | |
| 1985 | Yes, Madam | Inspector Ng | |
| 1985 | Twinkle, Twinkle Lucky Stars | Instrutora de Judo | |
| 1986 | Wong ga jin si | Michelle Yip | Tamén coñecido como In the Line of Duty |
| 1987 | Dynamite Fighters | Fok Ming-Ming | |
| 1987 | Tong tian da dao | Michelle Yeung | tamén coñecido como Easy Money |
| 1992 | Police Story 3: Super Cop | Inspectora Jessica Yang | |
| 1993 | The Heroic Trio | Ching | |
| 1993 | Butterfly and Sword | Lady Ko | |
| 1993 | Executioners | Ching/San/Carol | |
| 1993 | Holy Weapon | Ching Sze/To Col Ching | |
| 1993 | Once a Cop | Jessica Yang | |
| 1993 | Tai Chi Master | Siu Lin | |
| 1994 | Shao Lin xiao zi II: Xin wu long yuan | Ah King | tamén coñecido como Shaolin Popey 2 - Messy Temple |
| 1994 | 7 jin gong | Ying | tamén coñecido como Wonder Seven |
| 1994 | Wing Chun | Yim Wing Chun | |
| 1996 | A Jin de gu shi | Ah Kam | tamén coñecido como Ah Kam |
| 1997 | The Soong Sisters | Soong Ai-ling/Madam Kung | |
| 1997 | 007: O mañá nunca morre | Wai Lin | |
| 1999 | Sing yuet tung wa | Sis | tamén coñecido como Moonlight Express |
| 2000 | Wò hǔ cáng lóng | Yu Shu Lien | |
| 2002 | Tian mai zhuan qi | Pak Yin Fay | |
| 2004 | Silver Hawk | Lulu Wong / The Silver Hawk | |
| 2005 | Memorias dunha gueixa | Mameha | |
| 2006 | Fearless | Ms. Yang | |
| 2007 | Sunshine | Corazon | |
| 2007 | Far North | Saiva | |
| 2008 | The Children of Huang Shi | Mrs.Wang | |
| 2008 | Babylon A.D. | Sister Rebeka | |
| 2008 | The Mummy: Tomb of the Dragon Emperor | Zi Yuan | |
| 2009 | Turning Point | Michelle Yeoh | Documental |
| 2009 | Among the Great Apes with Michelle Yeoh | Michelle Yeoh | National Geographic documental |
| 2010 | True Legend | Irmá Yu | |
| 2010 | Reign of Assassins | Zeng Jing | Título en chinés Jianyu tamén coñecido como Jianyu Jianghu |
| 2010 | The Karate Kid | Mestra de artes marciais | |
| 2011 | Kung Fu Panda 2 | Vedoira | (voz) |
| 2011 | The Lady | Aung San Suu Kyi |
Galardóns e nomeamentos editar
BAFTA á mellor actriz por Wò hǔ cáng lóng
Véxase tamén editar
Wikimedia Commons ten máis contidos multimedia na categoría: Michelle Yeoh  |
Ligazóns externas editar
- Ficha na IMDb (en inglés)
- Páxina oficial (en inglés)
- Ficha en Hoycinema.com (en castelán)
- Salon magazine (en inglés)
- Entrevista (en inglés)