José Sobreira Fernández
José Sobreira Fernández, foi un mestre, xornalista e político galego.
| Biografía | |
|---|---|
| Nacemento | século XIX  Provincia de Pontevedra |
| Morte | século XX |
| Datos persoais | |
| País de nacionalidade | España |
| Actividade | |
| Ocupación | mestre , xornalista , político |
Traxectoria editar
Estudou Maxisterio na Escola Normal de Pontevedra, obtendo o grao de mestre elemental en 1913.[1] Foi nomeado mestre interino de Vilachán (Tomiño) en outubro dese ano.[2] Pasou despois como interino polas escolas de Oia, Albeos (Crecente), Pías (O Rosal), Santa Cristina da Ramallosa e Renza (Vilagarcía de Arousa). En febreiro de 1923 foi nomeado mestre en propiedade da escola de Papucín (Frades),[3] foi trasladao en novembro a Pereiras (Mos),[4] e destinado a Sanín (Ribadavia) en 1928.[5] Participou no mitin republicano de Razamonde (Cenlle) en maio de 1931.[6] Colaborou en El Pueblo, Noticiero del Avia, El Pueblo Gallego e El Noticiero Gallego.
Foi mestre en Mourentán (Arbo) dende 1933. Participou nos actos do Primeiro de Maio en Cerdedo en 1934,[7] e en Arbo en 1936.[8] Foi concelleiro de Arbo. Co golpe de Estado do 18 de xullo de 1936 foi suspendido durante tres meses de emprego e soldo pola Comandancia Militar de Ourense.[9] No proceso de depuración foi sancionado coa separación do servizo e baixa no escalafón o 11 de maio de 1940. Abríronlle expediente de responsabilidade civil en 1942.[10] Rehabilitado, foi mestre en Cereixo dende 1943,[11] despois de Folgoso, dende onde intentou permutar en 1948 co mestre de Gargantada (Sama de Langreo) Francisco Iglesias Jorge, denengándolla a Dirección Xeral de Ensino Primario por ter nota desfavorable no expediente de depuración;[12] logo en Fornelos de Montes, e dende 1952 na Canda (Piñor).[13]
Notas editar
- ↑ El Diario de Pontevedra, 1-10-1913, p. 2.
- ↑ El Progreso, 29-10-1913, p. 1.
- ↑ Galicia Nueva, 1-2-1923, p. 2.
- ↑ El Compostelano, 6-11-1923, p. 1.
- ↑ El Noticiero Gallego, 8-12-1928, p. 3.
- ↑ El Pueblo Gallego, 17-5-1931, p. 8.
- ↑ La Hora, 5-5-1934, p. 1.
- ↑ El Pueblo Gallego, 9-5-1936, p. 10.
- ↑ "Maestros pontevedreses suspendidos", La Voz de Galicia, 13-8-1936, p. 6.
- ↑ BOE, 23-11-1943, p. 4142.
- ↑ El Pueblo Gallego, 27-3-1943, p. 5.
- ↑ BOE, 30-11-1948, p. 5384.
- ↑ La Región, 12-7-1952, p. 4.
Véxase tamén editar
Ligazóns externas editar
- José Sobreira Fernández na páxina web Nomes e Voces.