Xosé Fariña Jamardo
Xosé Fariña Jamardo, nado en Caldas de Reis o 26 de abril de 1919 e finado en Madrid o 19 de agosto de 2008, foi un escritor galego. Experto en Administración Local, exerceu como Secretario Xeral en varios concellos e na Deputación de Pontevedra. Publicou numerosos artigos sobre temas literarios e de administración local na prensa de Madrid e de Galicia.[1]
| Biografía | |
|---|---|
| Nacemento | 19 de agosto de 1919  Caldas de Reis, España |
| Morte | 2008 (88/89 anos) |
| Educación | Universidade Complutense de Madrid |
| Actividade | |
| Ocupación | escritor, poeta |
| Xénero artístico | Poesía |
| Premios | |
    | |
Traxectoria
editarDurante a guerra civil española loitou co bando nacional en varios destinos, entre eles Madrid. Rematou estudos de Dereito e doutorouse con sobresaliente cum laude na Universidade Complutense de Madrid, e obtivo a diplomatura en Administración Local. Foi mestre un breve tempo en Xixón, até que obtivo praza de Secretario de Administración Local. Exerceu como tal nos concellos de Vila de Cruces, O Carballiño, Cáceres, Corral de Almaguer, Xetafe e a Deputación de Pontevedra, onde se xubilou.[2]
No Carballiño exerceu como secretario do Concello entre os anos 1949 e 1959 e promoveu os encontros Tasca e Literatura, a primeira guía turística da vila ou o Boletín de Información Municipal.[3]
No eido da empresa privada, foi durante dez anos director administrativo en Madrid da empresa Barreiros Diésel e despois de Chrysler España.
Cando se constituíu o Parlamento de Galicia foi designado Oficial Maior, e despois pasou a ser asesor. Foi membro correspondente da Real Academia Española da Historia, e Fillo Adoptivo e Cronista Oficial do municipio de Xetafe.[4]
Foi secretario e despois presidente do Colexio Nacional de Secretarios, Interventores e Depositarios de España. Tempo atrás fora Vicepresidente do de Ourense e Presidente do de Madrid. Foi tamén profesor e xefe de estudos do Instituto Nacional de Administración Local, así como membro numerario do Instituto de Estudios de Administración Local.[5]
Estivo casado coa mestra María Elena Tojo Barreiro.[5]
Usou os pesudónimos Freitoso, Montemar, Chis-pum.[6]
Obra en galego
editarPoesía
editar- Carballiño. Poemas ó xeito vello pra unha vila nova (1957). Edición do autor.
- Coa alma espida (2003). Deputación de Pontevedra.
Narrativa
editar- Co sorriso nos beizos (1969). Vigo: Galaxia.
- O mesón do birollo (1971). Buenos Aires: Editorial Nós.
- A liña. Carballiño-Ribadavia, trinta e oito minutos (1980). Deputación de Ourense.
- A feira do Carballiño (1981). Edición de autor.
- Tiroliro a sete voces (1984). Vigo: Galaxia. 280 páxs. ISBN 978-84-7154-476-6.
- Golfaróns de sangue (1989). Sada: Ediciós do Castro. Laiovento, 2024, edición de Xesús González Gómez.
- Unha vida calquera (2006). Sada: Ediciós do Castro.
- Memorial de Xoaquín Pérez (2010). Deputación de Pontevedra. Póstuma.
- A liña. Carballiño-Ribadavia, trinta e oito minutos. A feira do Carballiño (2021). Ed. facsimilar do Concello do Carballiño. Con limiar de Xosé Luís Sobrado.[3]
Ensaio
editar- A personalidade da parroquia galega (1976). SEPT.
- Concellos abertos na Limia (1982). Xunta de Galicia.
- Os Concellos galegos. Parte Especial (1983).
- A Deputacion de Pontevedra: 1836-1986 (1986).
- O nacemento dos axuntamentos da provincia de Pontevedra (1987). Deputación de Pontevedra.
- Os concellos galegos (1991). Fundación Barrié.
- Os Concellos galegos. Parte xeral (1991).
- A parroquia rural en Galicia (1996).
- Nacemento, evolucion e desenrolo dos concellos pontevedreses (1998).
Obras colectivas
editarObra en castelán
editarNarrativa
editar- Señor Secretario (1955). Premio Certamen de novela.
- Historias de La Brea: novela (1964). :Madrid: Pozueta.
- Pepiño (1966). Escrita en 1957. Madrid: Delmo-Libros
- La balada del Wolfram (1977). Madrid: E.M.S.A.
Ensaio
editar- Instrucciones a los alcaldes de barrio y celadores para el mejor desempeño de su función (1948).
- Guía de Carballino (1961).
- Mosaico municipal (1961).
- A flor de piel (1969).
- La parroquia rural en Galicia (1975). Madrid: Instituto de Estudios de Administración Local.
- La vida municipal es así (1976). Madrid: Municipalia.
- El Getafe del siglo XVI (1978).
- Agonía y muerte del municipio rural (1977).
- El hábitat gallego (1981). Deputación da Coruña.
- La población de Getafe (1981).
- La entidad local menor y su proyección en Galicia (1985)
- El pequeño mundo de la vida local (1986). Deputación de Pontevedra.
- La Diputación de Pontevedra: 1836-1986 (1986).
Premios
editar- Finalista do Concurso de Novela en Galego do Centro Galego de Buenos Aires no 1970, por O mesón do birollo.
- Premio Otero Pedrayo en 1982.
- Premio Especial de Investigación da Deputación de Pontevedra no 1986, por O nacemento dos axuntamentos da provincia de Pontevedra.
- Premio Antón Losada Diéguez no 1987, por O nacemento dos axuntamentos da provincia de Pontevedra.
Notas
editar- ↑ galeguizargalicia. "Homenaxe a Xosé Fariña Jamardo Galeguizar Galicia". Consultado o 2022-02-03.
- ↑ "Xosé Fariña Jamardo". Editorial Galaxia. Arquivado dende o orixinal o 24 de xaneiro de 2022. Consultado o 2022-02-03.
- ↑ 3,0 3,1 "O Carballiño publica unha edición facsímile con dúas das obras de Xosé Fariña Jamardo, ex secretario do Concello". La Voz de Galicia (en castelán). 2022-01-05. Consultado o 2022-02-03.
- ↑ "José Fariña Jamardo". museo.getafe.es. Arquivado dende o orixinal o 03 de febreiro de 2022. Consultado o 2022-02-03.
- ↑ 5,0 5,1 Caldas, Redacción (2019-06-08). "Caldas homenajea a Fariña Jamardo". Faro de Vigo (en castelán). Consultado o 2022-02-03.
- ↑ "Pseudónimos galegos en ogalego.eu:f". www.ogalego.eu. Consultado o 2022-02-03.