Jean-de-Dieu Soult

Nicolas Jean de Dieu Soult, nado o 9 de marzo de 1769 en Saint-Amans-la-Bastide, (hoxe Saint-Amans-Soult, na provincia de Languedoc) e finado no castelo de Soultberg o 26 de novembro de 1851, foi un aristócrata, militar e político francés.

Jean-de-Dieu Soult
Par de Francia

Biografía
Nacemento	29 de marzo de 1769 Saint-Amans-Soult, Francia
Morte	26 de novembro de 1851 (82 anos) Saint-Amans-Soult, Francia
Lugar de sepultura	Saint-Amans-Soult
Head of government of France (en)
29 de outubro de 1840 – 19 de setembro de 1847 ← Adolphe Thiers – François Guizot →
Head of government of France (en)
12 de maio de 1839 – 1 de marzo de 1840 ← Mathieu Louis MOLÉ DE CHAMPLATREUX – Adolphe Thiers →
Head of government of France (en)
11 de outubro de 1832 – 18 de xullo de 1834 ← Casimir Pierre Périer (pt) – Étienne Maurice Gérard (pt)  →
Ministro da Guerra (pt)
Par de Francia
Par de Francia
Datos persoais
Residencia	hôtel du Périgord (en)
Relixión	Igrexa católica
Actividade
Ocupación	político, militar, coleccionista de arte
Período de actividade	1785 -
Partido político	político independente
Carreira militar
Lealdade	Primeira República Francesa
Rama militar	Infantaría
Rango militar	Marshal of the Empire (en)
Conflito	Guerra da Independencia española Guerras napoleónicas
Participou en
	Napoleonic looting of art in Spain (en)
Obra
Arquivos en	Servizo Histórico de Defensa [ GR 6 YD 8]
Outro
Título	Duque
Familia	Soult family (en)
Cónxuxe	Louise Berg
Fillos	Napoléon-Hector Soult de Dalmatie, Joséphine Louise Hortense Soult
Pais	Jean Soult   e Brigitte de Grenier
Irmáns	Jean-François Soult Pierre Benoît Soult
Premios
Gran Cruz da Lexión de Honra  Nomes inscritos no Arco do Triunfo (pt)  Gran Cruz da Orde do Salvador  grande oficial da Lexión de Honra  Cabaleiro da Lexión de Honra  Cabaleiro da Orde do Vélaro de Ouro  Cabaleiro da Orde do Espírito Santo  Cabaleiro da Orde de San Miguel  Marshal of the Empire (en)  Commandeur of the Royal and Military Order of Saint Louis (en)  Real Orde dos Serafíns
Descrito pola fonte	Grande Enciclopedia Soviética 1969-1978, (sec:Сульт Никола Жан де Дьё) Dicionario Enciclopédico Brockhaus e Efron The Nuttall Encyclopædia >>>:Soult, Nicolas-Jean de Dieu

Destacado combatente nas guerras napoleónicas, dirixiu as tropas francesas durante a guerra da independencia española.

Traxectoria

Primeiros anos

Entrou no exército en 1786 á idade de dezaseis anos e foi ascendido a segundo tenente en 1791 e a capitán dous anos despois. Participou en diversas accións de guerra durante a Convención, pero destacou especialmente na vitoria conseguida en Fleurus, a mediados de 1794, polo que foi nomeado xeneral. Demostrou as súas dotes como estratego militar nas campañas de Suíza e Italia entre 1799 e 1800, nas que estivo ás ordes do xeneral André Masséna. Napoleón deulle o mando militar do Piemonte e posteriormente dirixiu a Garda consular. Ascendeu a mariscal en 1804, un día antes da proclamación de Napoleón como emperador. En 1805 contribuíu decisivamente na vitoria napoleónica na Batalla de Austerlitz. Tamén estivo presente na guerra contra Rusia e Prusia dende 1806 até 1817. Foi gobernador da vella Prusia e recibiu o título de duque de Dalmacia.

En España

A finais de 1807, foi enviado a España, tomou Burgos e A Coruña (na Batalla de Elviña) pero foi derrotado na campaña de Portugal por Wellington. A mediados de 1809, o emperador nomeouno xeneral maior das forzas francesas en España, pouco despois obtivo unha decisiva vitoria na Batalla de Ocaña. Durante 1810 foi xeneral en xefe do exército de Andalucía. A principios do ano seguinte invadiu Estremadura e ocupou Badaxoz, pero foi derrotado no enfrontamento da Albuera coas tropas anglo-españolas

En 1812 tivo serios enfrontamentos con Xosé I, polo que Napoleón cambiouno de fronte, e durante uns meses loitou no Rin. En 1813, cando as forzas imperiais comezaron a fraquear en España, foi posto novamente á fronte das tropas da península, fracasando no seu intento de recuperar as prazas de Pamplona e Donostia, e ao ano seguinte de novo foi derrotado polas forzas de Wellington en Orthez e Tolosa, cando tentaba que o exército británico non entrara en territorio francés.

Nas Restauracións borbónicas

Nicolas Jean de Dieu Soult,
Duque de Dalmacia, e mariscal de Francia con Napoleón
ministro con Lois XVIII e Luís Filipe de Orleáns.

Durante a primeira Restauración, na que Lois XVIII ocupou por primeira vez o trono francés (1814-1815), Soult foi nomeado ministro da guerra.

Porén, aceptou ser xefe do Estado Maior de Napoleón durante o tempo que transcorreu dende a fuxida deste da illa de Elba ata a súa derrota definitiva na batalla de Waterloo no ano 1815.

Por este episodio foi desterrado de Francia dende 1816 ata 1819, ano no que foi chamado por Lois XVIII, que lle devolveu o grao de mariscal ao ano seguinte.

Foi un dos primeiros militares franceses que deu o seu apoio a Luís Filipe I de Orleáns. Desempeñou diversos cargos políticos durante este reinado (ministro da guerra entre 1830 e 1834, e de 1840 a 1844), mentres que a carteira de Asuntos Exteriores estivo nas súas mans entre 1839 e 1840.

Retirouse da política en 1847, cerca xa dos oitenta anos e faleceu en 1851.

Curiosidade

Despois de guerra da independencia moitos galegos bautizaron aos seus cans co nome de soult, e tamén co de ney, en recordo destes dous xenerais, Soult e Ney, costume que, nalgunha medida, pervive até os nosos días.

Véxase tamén

Bibliografía

• Yvert Benoît, dir. (2007): Premiers ministres et présidents du Conseil. Histoire et dictionnaire raisonné des chefs du gouvernement en France (1815-2007). París: Perrin. ISBN 2-2620-2687-5.
• Nicole Gotteri| (1991): Soult, maréchal d'Empire et homme d'Etat. La Manufacture de Livres. ISBN 2-7377-0285-2.
• Frédéric Hulot (2003): Le Maréchal Soult. París: Pygmalion.ISBN 2-85704-881-5

Outros artigos

• Guerra da independencia española
• Guerras napoleónicas

Ligazóns externas

• Jean-de-Dieu Soult, en Charles Mullié, Biographie des célébrités militaires des armées de terre et de mer de 1789 à 1850 (en francés)
• Ficha na Web da Fondation Napoléon. (en francés)