Eugenio López Aydillo
Eugenio López Aydillo, nado en Ourense en 1888 e finado en Oviedo o 8 de decembro de 1965[1], foi un xornalista e escritor galego.
  | |
| Biografía | |
|---|---|
| Nacemento | 1888 Ourense, España |
| Morte | 8 de decembro de 1965 (76/77 anos) Oviedo, España |
| Actividade | |
| Ocupación | xornalista, escritor |
| Descrito pola fonte | Diccionario bio-bibliográfico de escritores, (vol:2, p.300) |
   | |
Traxectoria
editarNado en Ourense, dende moi novo alternou os estudos co traballo xornalístico. En 1907 comezou a súa actividade con Solidaridad Gallega e posteriormente participou con Alfonso Alcalá Martín no proxecto de editar en Madrid o semanario Galicia Española en marzo de 1908, que finalmente non viu a luz;[2] colaborou con xornais madrileños como Heraldo de Madrid, La Iberia e El Gran Bufón. Dirixiu o xornal El Miño e fundou e dirixiu o quincenario Mi Tierra. Participou no Manifesto de Ourense (1912) con Basilio Álvarez, José Rodríguez Pavón e Ramón Fernández Mato.
En 1913 trasladouse a Madrid para estudar Filosofía e Letras. En 1917 fíxose cargo da cátedra de Historia da Universidade de Valladolid. Seguiu colaborando na prensa converténdose en director de Acción Gallega, escribindo en Vida Gallega, La Voz de Galicia, Estudios Gallegos, Suevia e sendo correspondente de Ideas.
Durante a República participou no inicio da actividade xornalística de El País, colaborou en Faro de Vigo e El Eco de Santiago e impartiu a única das conferencias do ciclo de actividades que tiña prevista a Asociación de Escritores de Galicia o 16 de xullo de 1936.
Funcionario de Facenda, no franquismo foi xefe da Delegación de Facenda de Oviedo e colaborou en La Región.
Obra
editar
- Galicia ante la solidaridad, 1907.
- País de abanico. Teatro de ensueño, 1912.
- Las mejores poesías gallegas, 1914.
- Los grandes poetas gallegos. Valentín Lamas Carvajal (en colaboración con José Palacios), 1925.
- Los cancioneros gallegos portugueses como fuentes históricas. Con un glosario de voces del gallego arcaico, 1923.
- Presencia de Galicia en la historia de España, 1950.
Novela
editar- En la masa de sangre, 1918.
Notas
editar- ↑ 8 de diciembre de 1965
- ↑ El Norte de Galicia, 22-2-1908, p. 2.
Véxase tamén
editarWikimedia Commons ten máis contidos multimedia na categoría: Eugenio López Aydillo  |
Bibliografía
editar- Couceiro Freijomil, A. (1952). "LÓPEZ-AYDILLO, Eugenio". Diccionario bio-bibliográfico de escritores (en castelán) II. Santiago de Compostela: Bibliófilos Gallegos. p. 300.