Esteban da Gama (1505–1576)

diplomático portugués

Esteban da Gama (en grafía portuguesa, Estêvão da Gama) (ca. 1505 - 1576), foi un navegante, explorador, e administrador colonial portugués, gobernador da Costa de Ouro portuguesa (unha colonia na costa occidental africana, hoxe Ghana, 1529-?) e da India portuguesa (1540-42)[1].

Esteban da Gama
D. Estêvão da Gama.tiff
Nacemento1505
Lugar de nacementoReino de Portugal
Falecemento1576
Lugar de falecementoLisboa
NacionalidadePortugal
Ocupacióndiplomático
PaiVasco da Gama
NaiCatarina de Ataíde
IrmánsCristóvão da Gama
Na rede
WikiTree: Gama-17
editar datos en Wikidata ]

BiografíaEditar

Foi o segundo fillo de Vasco de Gama e de Catalina de Ataíde, irmán de Cristóvão dá Gama, e levaba o nome do seu avó paterno, Estevão da Gama e do seu tío, Estevão da Gama, o irmán maior do seu pai (morto na soada viaxe de regreso do que logo sería o Estado da India de 1497-99 que dirixiu o seu pai).

Foi co seu pai á India onde desempeñou o cargo de capitán maior. Substituíu ao seu irmán Pablo de Gama como capitán de Malaca en 1538, servindo baixo as súas ordes desde 1534.

Época de gobernadorEditar

En 1540 foi designado polo rei Xoan III de Portugal como gobernador da India portuguesa (1540-42), polo seu valor no cargo anterior. Cando se converteu en gobernador, efectou unha campaña contra a frota do paxá de Exipto. Comandou a frota que entrou no mar Roxo, coa intención de atacar á frota otomá do porto de Suez, deixando Goa o 31 de decembro de 1540 e chegando a Adén o 27 de xaneiro de 1541. A frota chegou a Massaua o 12 de febreiro, onde Gama deixou un número de navíos e continuou cara ao norte. Ao chegar a Suez, descubriu que os otománs souberan moito tempo antes do seu asalto, o que frustrou o seu intento de queimar as naves varadas. Gama viuse obrigado a volver sobre os seus pasos a Massaua, aínda que facendo unha escala para atacar o porto do Tor, na península do Sinaí.

 
Esteban da Gama no monumento aos Descubrimentos

Unha vez de volta en Massawa Gama atopou aos homes que deixara inquietos xa que foran convencidos polo autodenominado patriarca galego Xoan Bermudes de que debían de proporcionar axuda militar ao asediado Emperador de Etiopía. Gama accedeu ás súas demandas e desembarcou 400 homes, 130 soldados escravos e subministracións suficientes para eles en Massaua e o próximo porto de Arqiqo, deixándoos a cargo do seu irmán Cristóvão dá Gama, antes de partir para a India o 9 de xullo.

Regreso a Portugal e morteEditar

Despois de deixar o cargo, volveu a Portugal onde foi elixido gobernador de Lisboa, pero declinou o cargo para tentar ser novamente gobernador da India.


Predecesor:

García de Noronha
11º gobernador de India portuguesa

1540 - 1542
Sucesor:

Martin Afonso de Souza

NotasEditar

  1. "D. Estêvão da Gama" en Artigos de apoio Infopédia [em linha]. Porto: Porto Editora, 2003-2019. [consult. 2019-08-27 13:16:39]. Dispoñíbel na Internet: https://www.infopedia.pt/apoio/artigos/$d.-estevao-da-gama

Véxase taménEditar

Ligazóns externasEditar