Helena de Borbón e Grecia
Elena María Isabel Dominica de Silos de Borbón y Grecia, nada en Madrid o 20 de decembro de 1963, é a infanta de España e duquesa de Lugo, é a filla máis vella dos reis de España, Xoán Carlos I e Sofía, e irmá do rei Filipe VI. É a terceira na liña de sucesión despois das súas sobriñas Leonor de Borbón e Sofía de Borbón.
| Helena de Borbón e Grecia | |
|---|---|
| Infanta de España e Duquesa de Lugo | |
 | |
| Helena de Borbón en 2011. | |
| Nome completo | Elena María Isabel Dominica de Silos de Borbón y Grecia |
| Nacemento | 20 de decembro de 1963 Madrid, España  |
| Cónxuxe/s | Jaime de Marichalar (1995-2010) |
| Descendencia | |
| Casa real | Casa de Borbón |
| Proxenitores | Xoán Carlos I de España Sofía de Grecia |
| Na rede | |
  | |
Traxectoria editar
É licenciada en maxisterio infantil con especialización en inglés pero non exerce. É presidenta de honor do Comité Paralímico Español[1] asistindo aos Xogos Paralímpicos de Barcelona, Atlanta ou Sidney. É unha gran afeccionada á equitación e aos deportes de inverno, que practica habitualmente.
En 1995 casou na catedral de Sevilla con Jaime de Marichalar, recibindo do seu pai o título de duquesa de Lugo[2]. Ten dous fillos: Felipe Juan Froilán de Todos los Santos, Grande de España (que recibiu o nome de Froilán polo santo lugués), e Victoria Federica de Todos los Santos, Grande de España. O 13 de novembro de 2007, a Casa Real anunciou a "suspensión temporal da súa convivencia matrimonial" co Duque de Lugo.[3]
A infanta Elena comprou en 2007 Global Cinoscéfalos, unha sociedade limitada por un capital de 3.600 €, o seu obxectivo era de tipo social e dedicábase ao asesoramento en materia económica. En xullo de 2008 a Casa Real anunciou que a infanta tiña un contrato coa Fundación MAPFRE e que sería a encargada de dirixir a área de acción social.
Ascendencia editar
| Predecesor: non houbo (título novo) |
 Duquesa de Lugo 1995 - actualidade |
Sucesor: non hai (título non herdable) |
Notas editar
- ↑ A Infanta Elena despide á delegación paralímpica na súa partida cara Pequín
- ↑ Real Decreto de 3 de marzo de 1995, polo que se concede, con carácter vitalicio, a facultade de usar o título de Duquesa de Lugo á Súa Alteza Real a Infanta Dona Elena (BOE nº 54, de 4-3-1995, páxina 7477). (en castelán)
- ↑ A infanta Elena sepárase.