María das Mercés de Borbón-Dúas Sicilias

A Súa Alteza Real
María das Mercés de Borbón-Dúas Sicilias
	;
Nome orixinal	(es) María de las Mercedes de Borbón y Orleans
Biografía
Nacemento	23 de decembro de 1910 ; Madrid, España
Morte	2 de xaneiro de 2000 (89 anos); Lanzarote, España
Causa da morte	infarto agudo de miocardio
Lugar de sepultura	Cripta Real do Mosteiro do Escorial
Relixión	Catolicismo
Outro
Título	Infanta (1935–); Princess of Bourbon-Two Sicilies (en) ; Condesa consorte de Barcelona
Familia	Princesas de Bourbon-Duas Sicílias pelo casamento (pt) e Casa de Borbón-Anjou
Cónxuxe	Xoán de Borbón e Battenberg (1935–1993)
Fillos	Pilar de Borbón e Borbón-Dúas Sicilias, Xoán Carlos I de España, Margarida de Borbón e Borbón-Dúas Sicilias, Afonso de Borbón e Borbón-Dúas Sicilias
Pais	Carlos de Bourbon-Duas Sicílias e Luísa de Orléans
Irmáns	Afonso, Duque da Calábria; Infante Ferdinand of Spain; Isabel Alfonsa de Bourbon; Princess María de los Dolores of Bourbon-Two Sicilies; María de la Esperanza de Borbón-Dos Sicilias; Prince Carlos of Bourbon-Two Sicilies
Cronoloxía
12 de outubro de 1935	Wedding of Infante Juan of Spain and Princess María de las Mercedes of Bourbon (en)
Premios
	Dame of the Order of Queen Maria Luisa (en) ;
	Sinatura
Descrito pola fonte	Dictionary of Women Worldwide (pt)

María das Mercés de Borbón-Dúas Sicilias e Orleans, nada en Madrid o 23 de decembro de 1910 e finada en Lanzarote o 2 de xaneiro de 2000, foi princesa das Dúas Sicilias, princesa da Casa de Borbón coas mesmas dignidades e honras que os infantes de España (concesión de Afonso XIII ao nacer), infanta de España e condesa de Barcelona por matrimonio (1935-2000).

Primeiros anos de vida

Escudo da infanta de España María de las Mercedes de Borbón-Dúas Sicilias, Condesa de Barcelona como consorte do Pretendente ó Trono de España e Xefe da Casa Real, (1941-1977).

Bautizada como María de las Mercedes Cristina Genara Isabel Luisa Carolina Victoria de Todos los Santos, era filla do infante Carlos Tancredo de Borbón-Dúas Sicilias (1870-1949) e da súa segunda esposa, a princesa Luisa de Orleans (1882-1958) que foi filla do príncipe Filipe de Orleans, conde de París e de María Isabel de Orleans, infanta de España por parte de nai e princesa de Orleans por parte de pai.

Naceu no denominado Palacio de Villamejor, no cal residían os seus pais e que é a actual sede do Ministerio de Administracións Públicas, Paseo da Castellana, 3, de Madrid. Unha placa no edificio recorda este feito. En 1929 foille concedida a Banda da Real Orde da Raíña María Luisa.

Viviu en Madrid durante os primeiros anos da súa vida. Trasladouse a Sevilla (cidade pola que sentiu especial predilección) co resto da súa familia cando o seu pai foi destinado á capital andaluza como capitán xeneral da rexión militar correspondente. En 1931 por mor da proclamación da II República partiu cara ao exilio en Francia xunto á súa familia, residiu primeiro en Cannes e posteriormente en París.

Matrimonio e fillos

En 1935 con motivo da voda da infanta Beatriz, irmá de Xoán de Borbón, María das Mercés atopouse ao seu futuro marido en Roma. O infante Xoán de Borbón, conde de Barcelona, converteuse en sucesor dos dereitos dinásticos do seu pai Afonso XIII pola renuncia do seu dous irmáns máis vellos, e xa que logo, en Xefe da Casa Real Española e pretendente ao trono de España. El e María das Mercedes non se viron desde a proclamación da II República. O 12 de outubro de 1935 contraeron matrimonio na basílica de Santa María dos Anxos e os Mártires en Roma. Tiveron catro fillos:

A infanta Pilar, duquesa de Badaxoz (María del Pilar Alfonsa Juana Victoria Luisa Ignacia de Todos los Santos) (1936-2020).
O rei Xoán Carlos I, rei de España (Juan Carlos Alfonso Víctor María) (n. 1938).
A infanta Margarida, duquesa de Soria e de Hernani (Margarita María de la Victoria Esperanza Jacoba Felicidad Perpetua de Todos los Santos) (n. 1939).
O infante Afonso (Alfonso Cristino Teresa Angelo Francisco de Asís de Todos los Santos) (1941-1956).

Importancia pública

Xoán de Borbón e María das Mercés residiron en Cannes (onde naceu a súa primoxénita, Pilar), Roma (onde naceron os seus outros tres fillos). Ao desencadearse a segunda guerra mundial, trasladáronse a Lausana (na neutral Suíza) para vivir xunto á raíña Vitoria Uxía, nai de Xoán de Borbón. Finalizado o conflito, fixaron a súa residencia en Estoril (Portugal), onde permaneceron ata o seu regreso a España en 1976, restaurada a monarquía por Franco. Durante o seu exilio María das Mercés visitou España nalgunhas ocasións: en 1949, para acudir ao enterro do seu pai en Sevilla, en 1964 para asistir ao bautizo da súa neta a infanta Elena e en 1969 acudiu ao do seu neto Filipe VI, actual Rei de España.

María das Mercés mediou entre o seu fillo e marido, distanciados por mor da designación de Xoán Carlos como sucesor por parte do xeneral Franco en 1969. O 14 de maio de 1977, Xoán de Borbón renunciou á xefatura da Casa Real Española e aos seus dereitos sucesorios en favor do seu fillo o rei Xoán Carlos I, monarca desde o 22 de novembro de 1975 até o 19 de xuño de 2014.

Xoán de Borbón e María das Mercés conservaron o título de condes de Barcelona que xa utilizaran durante o seu exilio.

Últimos anos de vida

María das Mercés fracturou a cadeira dereita en 1982 e o fémur esquerdo en 1985, accidentes que lle fixeron ter que utilizar unha cadeira de rodas. O 1 de abril de 1993 morreu Xoán de Borbón a consecuencia dun cancro de larinxe.

A Condesa de Barcelona foi unha muller afeccionada á pintura, a música, a cultura andaluza e as touradas. Ademais, foi socia de honra do Real Betis.

Desde o seu regreso a España viviu sempre na urbanización Puerta del Hierro de Madrid, no chalé "Villa Giralda", coma no que vivira en Estoril. María das Mercés faleceu repentinamente o 2 de xaneiro de 2000 aos 89 anos por mor dun ataque cardíaco na Residencia Real de La Mareta, na illa canaria de Lanzarote, onde acudira toda a Familia Real para pasar uns días de descanso polo Aninovo. Foi enterrada no Mosteiro de El Escorial.

Títulos

Escudo de María de las Mercedes de Borbón-Dúas Sicilias, Condesa de Barcelona despois da renuncia do seu marido como Pretendente ó Trono de España, (1977-2000).