Diego Forlán

Diego Forlán
Diego Forlán
Información persoal
Nome	Diego Martín Forlán Corazo
Nacemento	19 de maio de 1979 (44 anos)
Lugar de nacemento	Montevideo
Altura	1,77 m.
Posición	Dianteiro
Información de club
Club actual	Peñarol
Número	10
Carreira xuvenil
1990–1991	Peñarol
1991–1994	Danubio
1994–1997	Independiente
Carreira sénior
Selección nacional
Na rede
	http://www.diegoforlan.com/
	Partidos e goles só en liga doméstica.; Club: actualizado a 5 de febreiro de 2016.; Selección: actualizado a 28 de xuño de 2014.[ editar datos en Wikidata ]
	v; c; e;

Diego Martín Forlán Corazo, nado en Montevideo o 19 de maio de 1979, é un futbolista uruguaio que xoga de dianteiro.

TraxectoriaEditar

Naceu nunha familia de futbolistas. O seu pai, Pablo Forlán, xogou coa selección do Uruguai nos Mundiais de 1966 e 1974, e o seu avó, Juan Carlos Corazo, xogou no Independiente.

IniciosEditar

Forlán xogou en varios clubs de Suramérica, o último o Independiente, antes de ser traspasado ao Manchester United en xaneiro de 2002 por 6,9 millóns de libras.

Manchester UnitedEditar

Debutou no Manchester United o 29 de xaneiro de 2002 contra o Bolton Wanderers, pero non marcou o seu primeiro gol, de penalti, ata o 18 de setembro, nun partit da Liga de Campións contra o Maccabi Haifa.

Converteuse nun dos xogadores favoritos da afección cando marcou dous goles contra o Liverpool para gañar 1-2 en Anfield. Os 17 goles de Forlán en 95 partidos non tiñan comparación cos 150 goles en 210 partidos do seu anterior compañeiro de equipo Ruud van Nistelrooy, e estaba preto a súa saída do club. A chegada de Wayne Rooney marcou o fin dos días de Forlán en Inglaterra.

VillarrealEditar

Forlán estivo preto de fichar polo Levante, pero acabou fichando o 21 de agosto de 2004 polo Villarreal, onde conseguiu o trofeo Pichichi na tempada 2004-2005, con 25 goles. Ademais colaborou na clasificación do Villarreal para a Liga de Campións por primeira vez na súa historia. Tamén gañou a Bota de Ouro europea xunto con Thierry Henry.

Atlético de MadridEditar

O 30 de xuño de 2007 Forlán fichou polo Atlético de Madrid por uns 21 millóns de euros.^[1] Na súa primeira tempada foi o segundo máximo goleador do equipo por detrás de Sergio Agüero. Na segunda tempada, a 2008-09, marcou 32 goles converténdose en máximo goleador do equipo, da liga, conseguindo novamente o trofeo Pichichi, e de Europa, conseguindo tamén a Bota de Ouro por segunda vez. O 8 de maio de 2008 Diego Forlán converteuse no máximo goleador uruguaio da historia da liga española con 69 goles.

Na tempada 2009-10, Diego Forlán tivo un papel fundamental no éxito en Europa do Atlético de Madrid ao marcar cinco dos últimos seis goles do seu equipo na Europa League, competición que acabou gañando. Forlán marcou contra o Valencia en semifinais e fixo os dous da gran final contra o Fulham, partido no que foi escollido mellor xogador. Na liga marcou 18 goles en 31 partidos, para pechar a tempada con cifras de 28 goles en 46 partidos.

A tempada 2010-11 tamén comezou cun título, xa que o 27 de agosto de 2010, o Atlético proclamouse campión da Supercopa de Europa tras gañar por 2-0 ao Inter de Milán.

Selección nacionalEditar

Ata xaneiro de 2011, foi internacional coa Selección de fútbol do Uruguai 69 veces e marcou 29 goles. O seu debut coa selección foi o 27 de marzo de 2002, nun partido amigable fronte a Arabia Saudita disputado na cidade de Riad.

No Mundial de 2002 marcou un gol no empate 3-3 fronte a Senegal, cando a súa selección quedou eliminada do torneo. Neste encontro, realizou o seu debut nun Mundial ao iniciarse a segunda metade do partido, cando a súa selección caía derrotada 0-3.