Camila de Cornualles

Camila, duquesa de Cornualles, (nada Camilla Rosemary Shand, Camilla Parker Bowles tras o seu primeiro matrimonio e Camilla Windsor tras o seu segundo matrimonio), é a segunda esposa de Carlos de Gales e por matrimonio posúe, á parte do título ducal de Cornualles, os títulos de duquesa de Rothesay e de Chester.

Camilla de Cornualles
Duquesa de Cornualles
A duquesa de Cornualles en 2014
Nome completo	Camilla Rosemary Shand
Outros títulos	Princesa de Gales (en desuso) Duquesa de Rothesay Condesa de Chester Condesa de Carrick Baronesa de Renfrew Señora das Illas
Nacemento	17 de xullo de 1947 Londres, Inglaterra
Predecesor	Diana de Gales
Cónxuxe/s	Andrew Parker-Bowles (matr. 1973;div. 1995) Carlos de Gales (matr. 2005)
Descendencia	Tom Parker-Bowles Laura Lopes
Casa real	Casa de Windsor (por matrimonio)
Proxenitores	Bruce Shand Rosalind Cubitt
Na rede

Aínda que legalmente é princesa de Gales, o día do anuncio do compromiso matrimonial, o Palacio de Buckingham anunciou que Camila levaría o título de duquesa de Cornualles, con tratamento de Alteza Real, evitando confusións e brindando respecto á falecida Diana de Gales. Usa este título en todas as partes, excepto en Escocia, onde utiliza o título de duquesa de Rothesay. Dende 2013 ocupa o cargo honorífico de chanceler da Universidade de Aberdeen, en Escocia.

É unha das tres únicas princesas herdeiras consortes dunha casa reinante europea con ascendencia nobre.