As Goás, Abadín

San Pedro de Goás é unha parroquia do concello de Abadín. En 2004 tiña 124 habitantes, repartidos nun lugar e 7 entidades de poboación. Segundo o IGE, no 2014 a súa poboación descendera ata os 104 habitantes, sendo 53 homes e 51 mulleres.

As Goás
Igrexa das Goás.
Concello	Abadín
Provincia	Lugo
Área	10,35 km²
Poboación	90 hab. (2019)
Densidade	8,7 hab./km²
Entidades de poboación	13
[ editar datos en Wikidata ]

As entidades son Butarreira (30), A Casanova (18), Gaúte (12), Leiras (11), Pumariño (31), Os Vidás (2) e O Vilar (abandonado). O lugar (que xeralmente forman parte de algunhas das entidades) é A Costa.

Xeografía

Ten unha superficie de 4,15 km², cunha densidade media de 29,9 hab/km² no 2004. Limita ao norte coas parroquias de Abadín e Candia, ao sur con Baroncelle e Abeledo, ao leste con Cabaneiro e ao oeste con Aldixe. Formou parte da desaparecida xurisdición da Costa do Monte sobre a que exercía o seu señorío o bispo de Mondoñedo entre outros.

Os cumios máis altos son Abelleira (617 m), Goás (604 m) e Meixón (474 m).

Patrimonio

No lugar de Gaute hai unha igrexa construída no século XVI, sufrindo importantes reformas posteriores. A nave, de planta rectangular con capela maior e sancristía arrimada á cabeceira, está cuberta de lousa a dúas augas, e a catro augas no presbiterio. A fachada ten un arco alintelado e outro de descarga feito de lastras, coa curiosa espadaña con dous vans no primeiro corpo e un no segundo, a que se accede por unha escaleira exterior situada no muro norte. No interior destacan as rústicas pinturas de cortinaxes vermellos no presbiterio, arco triunfal de forma carpanel, dúas laudas sepulcrales no chan da capela maior, retablo maior neoclásico do século XIX e retablos laterais barrocos.

Galería de imaxes

• 

  Igrexa.

• 

  Detalle do campanario da igrexa.

• 

  Cruceiro.

Lugares e parroquias

Parroquias de Abadín

As dezanove parroquias que conforman o concello de Abadín.

Véxase tamén

Outros artigos

• Lugares de Abadín