Zifio de Gervais
O zifio de Gervais,[2] Mesoplodon bidens, tamén coñecido na bibliografía internacional como zifio europeo, é unha especie de mamífero cetáceo odontoceto da familia dos zifíidos e subfamilia dos zifioideos,[3] unha das quince integradas hoxe no xénero Mesoplodon.[4]
| Zifio de Gervais Mesoplodon europaeus | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) Mesoplodon europaeus na superficie do mar
| |||||||||||||||||||||||
| Estado de conservación | |||||||||||||||||||||||
| Datos insuficientes[1] | |||||||||||||||||||||||
| Clasificación científica | |||||||||||||||||||||||
| |||||||||||||||||||||||
| Nome binomial | |||||||||||||||||||||||
| Mesoplodon mirus (Gervais, 1855) | |||||||||||||||||||||||
 Área de distribución de Mesoplodon mirus
| |||||||||||||||||||||||
| Sinonimia | |||||||||||||||||||||||
| |||||||||||||||||||||||
Taxonomía editar
Descrición editar
A especie foi descrita en 1855 polo paleontólogo e entomólogo francés François Louis Paul Gervais, baixo o nome de Dioplodon europaeus, na páxina 320 da súa obra Histoire naturelle des Mamifères. 2. Ordre des Cétacés. París: L. Curmer.[3][5]
Etimoloxías editar
Para a do xénero, véxase Mesoplodon.
O epíteto específico, europaeus, débese que Gervais describiu a especie nas costas europeas, concretamente, nas do Canal da Mancha en Inglaterra.[3]
Sinónimos editar
Ademais de polo nome actualmente válido, a especie coñeceuse tamén polos sinónimos:[3][5]
- Dioplodon europaeus Gervais, 1855 (basónimo)
- Dioplodon gervaisi Deslongchamps, 1866
- Mesoplodon densirostris Gunther, 1955 (identificación errónea)
- Mesoplodon gervaisi Ellerman & Morrison-Scott, 1951
- Neoziphius europaeus Gray, 1871
- Nodus europaeus Hershkovitz, 1961
Historia do descubrimento editar
Nalgún momento entre 1836 e 1841, un capitán dun dos barcos do comerciante e armador francés Abel Vautier encontrou un grande animal flotando na entrada do Canal da Mancha, co corpo cuberto por un enxame de gaivotas. Cortoulle a cabeza e levouna a Caen, onde lla presentou a Vautier. Vautier, á súa vez, mostrouna ao anatomista Deslongchamps. E o espécime dalgunha maneira abriuse camiño até o científico francés Paul Gervais, quen o describiu como unha nova especie en 1855. Durante varias décadas, esta mantívose como o único espécime coñecido desta especie, e moitos ignoraron o seu estado específico e afirmaron que simplemente representaba unha forma aberrante de zifio de Sowerby adulto.[6] A identidade da especie foi confirmada polo descubrimento de dous espécimes en Nova Jersey, un macho inmaturo capturado cerca de Atlantic City en 1889 e unha femia adulta encontrada varada en Long Branch en 1905.[7]
Características editar
As principais características de Mesoplodon europaeus son:[8]
- É un zifio de tamaño pequeno ou mediano en comparación cos outros zifíidos, pero é a especie máis grande dos membros do xénero Mesoplodon.
- O seu corpo é fusiforme, alongado, comprimido lateralmente e bastante grácil en comparación con outros membros do xénero Mesoplodon.
- Os machos miden uns 4,5 m de lonxitude e as femias polo menos 5,2 m, e probabelmente pesan máis de 1 200 kg. Crese que as crías miden uns 2,1 m.
- A cabeza é pequena e o seu melón é pouco protuberante.
- A liña da boca é notabelmente recta, incluso nos machos, e os dous dentes dos machos erupcionan cara á punta do bico e case non se notan.
- A coloración é gris escura nas partee superiores e gris clara nas inferiores. As femias poden presentaren manchas máis claras nos xenitais e na cabeza, cun círculo escuro ao redor dos ollos. Os xuvenís presentan unha coloración máis clara, pero pronto escurecen.
Distribución editar
Por favor, axuda na mellora deste artigo ou sección ampliando a información que achega. Se cadra, podes atopar máis información na páxina de conversa. |
Hábitat e ecoloxía editar
Por favor, axuda na mellora deste artigo ou sección ampliando a información que achega. Se cadra, podes atopar máis información na páxina de conversa. |
Poboación editar
Por favor, axuda na mellora deste artigo ou sección ampliando a información que achega. Se cadra, podes atopar máis información na páxina de conversa. |
Ameazas editar
Esta especie, ao igual que outros zifios, é probábel que sexa vulnerábel a ruídos antropoxénicos fortes, como os xerados polo sonar das mariñas e as exploracións sísmicas.[9] En particular, varios varamentos masivos atípicos de zifios, incluídos os zifios de Gervais, asociáronse con actividades navais: de mediados a finais da década de 1980 nas Illas Canarias,[10] en marzo de 2000 nas Bahamas,[11] e novamente en setembro de 2002 durante unha manobra naval da OTAN cun sonar de baixa frecuencia ao redor das Canarias.[1]
Evidencias de individuos varados de varias especies, incluída Mesoplodon europaeus, indican que tragaron obxectos de plástico desbotados, o que eventualmente pode conducir á morte.[12]
A caza directa nunca se asociou con esta especie. Porén, as pescarías con redes de enmalle e palangre en toda a área de distribución da especie espertan a preocupación de que é probábel que se produzan capturas incidentais. Incluso niveis baixos de captura incidental poderían causar impactos neste grupo de cetáceos.[1]
O impacto previsto do cambio climático global no medio mariño poden afectar a esta especie, aínda que a natureza dos impactos non está clara.[13]
Estado de conservación editar
A Unión Internacional para a Conservación da Natureza e dos Recursos Naturais (UINC) considera que hai pouca información sobre a abundancia da poboación desta especie, e ningunha sobre a evolución da súa tendencia. Non se cre que sexa pouco frecuente, pero é potencialmente vulnerábel a ameazas de baixo nivel e non se pode descartar unha redución global do 30 % en tres xeracións. Por iso cualifica o status da especie como DD (datos insuficientes).[1]
Notas editar
- ↑ 1,0 1,1 1,2 1,3 Taylor, B. L.; Baird, R.; Barlow, J.; Dawson, S. M.; Ford, J.; Mead, J. G., Notarbartolo di Sciara, G.; Wade, P. & Pitman, R. L. (2008): Mesoplodon europaeus na Lista vermella. da UICN. Versión 2020-2. Consultada o 5 de novembro de 202w0.
- ↑ Díaz d'a Silva & Cartelle 2007, p. 126.
- ↑ 3,0 3,1 3,2 3,3 Mesoplodon europaeus (Gervais, 1855 no WoRMS. Consultado o 12 de novembro de 2020.
- ↑ Mesoplodon Gervais, 1850 no WoRMS. Consultado o 12 de novembro de 2020.
- ↑ 5,0 5,1 Mesoplodon europaeus (Gervais, 1855) bo GBIF.
- ↑ True, F. W. (1910): An account of the beaked whales of the family Ziphiidae in the collection of the United States National Museum, with remarks on some specimens in other American museums. Washington: Government Printing Office.
- ↑ "Diagnoses and Distributions of Beaked Whales of the Genus Mesoplodon Known from North American Waters", por Joseph Curtis Moore. En Kenneth S. Norris, ed., (1966): Whales, dolphins, and porpoises. Berkeley: University of California Press.
- ↑ Díaz d'a Silva & Cartelle 2007.
- ↑ Cox, T. M. et al. (2006): "Understanding the impacts of anthropogenic sound on beaked whales". Journal of Cetacean Research and Management 7 (3): 177-187.
- ↑ Waring, G. T.; Josephson, E.; Fairfield, C. P. & Maze-Foley, K. (2006): "U.S. Atlantic and Gulf of Mexico marine mammal stock assessments" - 2005. NOAA Technical Memorandum NMFS-NE-201.
- ↑ Rowles et al. (2000): "Mass stranding of multiple cetacean species in the Bahamas on March 15-17, 2000. Cambridge, UK: International Whaling Commission.
- ↑ Scott, M. D. et al. (2001): "A note on the release and tracking of a rehabilitated pygmy sperm whale (Kogia breviceps)". Journal of Cetacean Research and Management 3 (1): 87-94.
- ↑ Learmonth, J. A. et al. (2006): "Potential effects of climate change on marine mammals". Oceanography and Marine Biology: An Annual Review 44: 431-464.
Véxase tamén editar
Wikimedia Commons ten máis contidos multimedia na categoría: Zifio de Gervais  |
| Wikispecies posúe unha páxina sobre: Zifio de Gervais |
Bibliografía editar
- Carwardine, Mark (1995): Ballenas, delfines y marsopas. Barcelona: Ediciones Omega. ISBN 84-282-1037-3.
- Díaz d'a Silva, J. I. e Cartelle, Y. (2007): Guía dos mamíferos de Galicia. A Coruña: Baía Edicións. ISBN 978-84-96893-20-7.
- Duguy, R. e Robineau, D. (1987): Guía de los mamíferos marinos de Europa. Barcelona: Ediciones Omega. ISBN 84-282-0811-5.
- Heyning, John E (2002): "Cuvier's Beaked Whale", en Jefferson, Thomas A. Encyclopedia of Marine Mammals, pp. 305–307. San Diego, California, USA: Academic Press. ISBN 0-12-5513040-2.
- Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago de Compostela: Xunta de Galicia. ISBN 84-453-2913-8.
- Perrin, William F., Bernd Wursig & J. G. M. Thewissen, eds. (2002): Encyclopedia of Marine Mammals. 2ª ed. San Diego, California: Academic Press. ISBN 978-0-12-373553-9.
- Wilson, D. E. & Reeder, D. M., eds. (2005): Mammal Species of the World. A Taxonomic and Geographic Reference. Third edition. Baltimore, Maryland, USA: The Johns Hopkins University Press, 2 vols. ISBN 978-0-8018-8221-4.
Outros artigos editar
Ligazóns externas editar
- Mesoplodon europaeus na ADW. Con abundante información (en inglés).
- Gervais' Beaked Whale. Mesoplodon europaeus (Gervais 1855) na EOL.
- Gervais' Beaked Whale. Mesoplodon europaeusArquivado 25 de novembro de 2013 en Wayback Machine. en Cetaceans of the World (en inglés).
- Zifio de Gervais (Mesoplodon europaeus)Arquivado 03 de febreiro de 2014 en Wayback Machine. en Cetáceos de Canarias (en castelán).