Ruído
O ruído é a sensación auditiva inarticulada xeralmente desagradable. Nun ambiente, defínese como todo o molesto para o oído ou, máis exactamente, como todo son non desexado. Desde ese punto de vista, a máis excelsa música pode ser cualificada como ruído por aquela persoa que en certo momento non desexe ouvila.
![](http://upload.wikimedia.org/wikipedia/commons/thumb/9/92/Bouchon_d%27oreille_pr%C3%A9form%C3%A9.jpg/220px-Bouchon_d%27oreille_pr%C3%A9form%C3%A9.jpg)
No ámbito da comunicación sonora, defínese como ruído todo son non desexado que interfire na comunicación entre as persoas ou nas súas actividades.
Cando se utiliza a expresión ruído como sinónimo de contaminación acústica, está a facerse referencia a un ruído (son), cunha intensidade alta (ou unha suma de intensidades), que pode resultar mesmo prexudicial para a saúde humana. Contra o ruído excesivo úsanse tapóns para os oídos e orelleiras (cascos para as orellas, os cales conteñen unha electrónica que diminúe os ruídos exteriores, diminuíndoos ou facendo que a súa audición sexa máis agradable), para así evitar a perda de audición (que, se non se controla, pode provocar a xordeira).
Efectos na saúde
editarAlgúns efectos do ruído sobre a saúde son:[1]
- Enfermidades fisiolóxicas: pódense producir no traballo ou ambientes sonoros ao redor dos 100 decibeis, algunhas tan importantes como a perda parcial ou total da audición.
- Enfermidades psíquicas: producidas por exceso de ruído, pódense citar o estrés, as alteracións do soño, diminución da atención, depresión, falta de rendemento ou agresividade.
- Enfermidades sociolóxicas: alteracións na comunicación, o rendemento etc.
- Enfermidades patolóxicas: alteracións no metabolismo.
- Enfermidades musculares: alteracións nos músculos.
O estudo do ruído, a vibración e a severidade nun sistema denomínase NVH. Estes estudos van orientados a medir e modificar os parámetros que lle dan nome e que se dan en vehículos a motor, de forma máis detallada, en coches e camións.
Pola contra, os ruídos son tamén sons simples ou complexos pero inharmónicos e de moi alta intensidade, que xeran intolerancia ou dor ao oído e unha sensación de despracer ao individuo.
Límites
editarAs contornas con máis de 65 decibeis (dB) considéranse inaceptables.[Cómpre referencia]
En España, os ciclomotores non poden superar en máis de 4 dB o nivel de emisión sonora da súa ficha de homologación.[Cómpre referencia]
Por baixo de 80 dB o oído humano non presenta alteracións definitivas. Estes niveis xeran molestias pasaxeiras denominadas fatiga auditiva, onde o oído interno non sofre problemas definitivos. Cando a intensidade supera os 90 dB comezan a aparecer lesións irreversibles canto maior sexa a exposición e a susceptibilidade persoal.[Cómpre referencia]
Notas
editarVéxase tamén
editarWikimedia Commons ten máis contidos multimedia na categoría: Ruído |
A Galicitas posúe citas sobre: Ruído |
Vexa a entrada do Galizionario acerca de Ruído |
Bibliografía
editar- Kosko, Bart (2006). Noise. Viking Press. ISBN 0-670-03495-9. (en inglés)
- Schwartz, Hillel (2011). Making Noise: From Babel to the Big Bang & Beyond. New York: Zone Books. ISBN 978-1-935408-12-3. (en inglés)
Outros artigos
editar- Contaminación acústica
- Son
- Música noise
- Día Internacional de Concienciación sobre o Ruído
- Efecto Doppler
Ligazóns externas
editar- Ruído e saúde. Máis aló da molestia, (en castelán).
- Xuristas Contra o Ruído. , (en castelán).
- Audio Measuring Articles – Electronics Arquivado 07 de agosto de 2016 en Wayback Machine. , (en inglés).
- Mohr on Receiver Noise: Characterization, Insights & Surprises, (en inglés).
- Noise voltage – Calculation and Measuring of Thermal Noise, (en inglés).
- Ruído no traballo, (en inglés).
- Mountain & Plains ERC: A NIOSH Education and Research Center for Occupational & Environmental Health & Safety, (en inglés).
- US National Institute for Occupational Safety and Health, (en inglés).