Xosé Manuel Rey

Xosé Manuel Rey
Nacemento	31 de decembro de 1975
Lugar de nacemento	Ferrol
Nacionalidade	España
Ocupación	político
	[ editar datos en Wikidata ]
	v; c; e;

Para outras páxinas con títulos homónimos véxase: José Manuel Rey.

Xosé Manuel Rey Varela^[1], ou José Manuel Rey Varela^[2], nado en Ferrol o 31 de decembro de 1975, é un avogado e político galego, que foi alcalde de Ferrol entre 2011 e 2015.

TraxectoriaEditar

Estudou o bacharelato no IES Sofía Casanova de Ferrol, e posteriormente dereito na universidade de Santiago de Compostela, onde se licenciou. En paralelo á súa vida universitaria desenvolveu carreira política, afiliándose ao Partido Popular. Como representante da organización de mocidades neste partido, Novas Xeracións, accede ao posto de tesoureiro do Consello da Xuventude de Galicia.

En 2002 entrou como concelleiro en Ferrol grazas a unha substitución. Ao ano seguinte celebráronse eleccións municipais, e saíu elixido concelleiro polo Partido Popular. O alcalde, o tamén popular Juan Juncal, encargoulle as áreas de Facenda, Patrimonio, Emprego e Mocidade. En 2007 saíu reelixido concelleiro, se ben a súa formación pasou á oposición, e en 2011 converteuse no cabeza de lista dos populares. Nesa posición conseguiu vencer as eleccións, con 14.974 votos (43,74 %) e 13 concelleiros, o que lle deu a maioría absoluta por un concelleiro.

Tamén é presidente do Partido Popular de Ferrol e vicesecretario xeral do Partido Popular de Galicia no equipo de Alberto Núñez Feijóo. En novembro de 2011 foi elixido presidente da Federación Galega de Municipios e Provincias. En outubro de 2015 foi nomeado Conselleiro de Política Social^[3].

Predecesor: Vicente Irisarri	Alcalde de Ferrol 2011 - 2015	Sucesor: Jorge Suárez Fernández
Predecesor: Carlos Fernández Castro	Presidente da Fegamp 2011 - 2015	Sucesor: Alfredo García
Predecesor: Rocío Mosquera	Conselleiro de Política Social 2015 - 2018	Sucesor: Fabiola García Martínez