Carlos Fernández Castro

Carlos Antonio Fernández Castro, nado o 9 de xullo de 1956 en Santiago de Compostela, é un político galego. É diplomado en Relacións Laborais pola USC.

Carlos Fernández Castro

Biografía
Nacemento	9 de xullo de 1956 (68 anos) Santiago de Compostela, España
Alcalde de Ames
2003 – 2011 – Santiago Amor →
Datos persoais
Educación	Universidade de Santiago de Compostela
Actividade
Ocupación	político
Partido político	Partido Socialista Obrero Español
Membro de	Partido dos Socialistas de Galicia

Carreira política

Comezou como concelleiro polo PSdeG-PSOE no concello de Santiago de Compostela entre 1983 e 1987, onde ostentou as delegacións de Persoal, Reforma Administrativa, Seguridade Cidadá e Tráfico, e Normalización Lingüística. Foi deputado provincial da Deputación da Coruña de 1983 a 1990. Nas eleccións de 1987 preséntase, por vez primeira, como candidato á alcaldía do concello de Ames, cargo que non acadará nas sucesivas eleccións ata as eleccións do 2003, cando resulta elixido grazas á suma dos votos do BNG. Nas eleccións do 2007, xa con maioría simple, opta polo goberno en minoría que mantería durante catro anos. A finais de 2010 ten que enfrontarse a unha importante folga de traballadores do lixo e nos comicios de 2011 sae derrotado polo PPdeG, que consegue a maioría absoluta.

Outros cargos

No sindicato UGT-Galicia destaca o traballo na Secretaría de Organización, entre outros cargos a nivel galego e estatal. Tamén formou parte do Consello Galego de Relacións Laborais na primeira etapa da súa fundación. En novembro de 2007 foi elixido presidente da Fegamp, apoiado polo maior peso de PSdeG e BNG en concellos e deputacións. Porén, logo das municipais de 2011 o PPdeG colleitou a maior parte das alcaldías e tres das catro deputacións, co que a finais de ano Carlos Fernández tivo que deixar a presidencia. Fernández non abandonou a FEGAMP, con todo, e pasou a ocupar un posto executivo interno, abandonando a vida política e renunciando á concellería no concello de Ames.

Véxase tamén

Outros artigos

• Eleccións municipais en Ames
• Federación Galega de Municipios e Provincias

Predecesor: Xosé Astray Lorenzo	Alcalde de Ames  2003 - 2011	Sucesor: Santiago Amor
Predecesor: Xosé Crespo	Presidente da Fegamp  2007 - 2011	Sucesor: Xosé Manuel Rey