Xesús Froiz
Xesús Froiz Gómez, nado en Lalín o 25 de agosto de 1903 e finado na Estrada o 9 de outubro de 1936, foi un escritor, xornalista e político galego.
  | |
| Biografía | |
|---|---|
| Nacemento | 25 de agosto de 1903 Lalín, España |
| Morte | 9 de outubro de 1936 (33 anos) A Estrada, España |
| Causa da morte | paseo, ferida por arma de fogo |
| Actividade | |
| Ocupación | xornalista, político |
| Partido político | Partido Galeguista |
 | |
Traxectoria
editarEstudou no Seminario de Lugo, que abandonou por enfrontamentos coas autoridades eclesiásticas e retornou a Lalín. Colaborou en La Zarpa e Verdad y Justicia e publicou poemas en Eco de Galicia co pseudónimo O Cantor do Bosque. En 1928 fíxose correspondente de Faro de Vigo en Lalín. Colaborou cos republicanos dirixidos por Manuel Ferreiro nas súas primeiras campañas en 1930. Coa proclamación da República foi nomeado garda municipal. Seguiu colaborando na prensa local, dirixiu o periódico La Nueva España e formou parte da redacción de Razón, onde tamén asinou poemas co pseudónimo RECAREDO. Ingresou no Grupo Galeguista de Lalín en 1934 e colaborou en A Nosa Terra con poemas e artigos dirixidos ás Mocedades Galeguistas. Participou na campaña das eleccións de febreiro de 1936 e na do Plebiscito do Estatuto.
Ao producirse o golpe de Estado do 18 de xullo de 1936 foi detido o 4 de agosto. Torturado, permaneceu no cárcere ata que o 9 de outubro o sacaron da cadea xunto a Manuel Guillán Abalo e xunto con Ramón Muíños Lorenzo, a quen sacaron da Prisión de Silleda, foron asasinados preto da Estrada, no km 23 da estrada Chapa-O Carril o 9 de outubro. Os cadáveres foron trasladados ao cemiterio da Estrada onde os soterraron.
Véxase tamén
editarBibliografía
editar- Igrexas Rodríguez, Manuel (2005). "Asasinados por pensar e desexar para todos un mundo mellor. A represión franquista na Comarca do Deza" (PDF). A represión franquista en Galicia. Actas dos traballos presentados ao Congreso da Memoria. Narón, 4 a 7 de decembro de 2003. Asociación Cultural Memoria Histórica Democrática. pp. 417–542.
- Santorum, Gracia (2009). Dicionario de escritores de Deza. A Estrada: Edicións Fervenza. p. 33. ISBN 978-84-96368-00-2.
Ligazóns externas
editar- Centenario de Xesús Froiz, galeguista, poeta e xornalista, artigo de Manuel Igrexas.
- Seis republicanos paseados na Estrada, artigo de Manuel Igrexas.