Xanceda, Mesía

Para outras páxinas con títulos homónimos véxase: Xanceda.

San Salvador de Xanceda é unha parroquia que se localiza no sur do concello de Mesía. Segundo o IGE en 2021 tiña 304 habitantes (150 homes e 154 mulleres) distribuídos en 18 entidades de poboación, o que supón unha constante diminución en relación ao ano 2004, cando tiña 389 habitantes, e ao ano 1999, con 407 habitantes.

Xanceda
Casa do concello.
Concello	Mesía
Provincia	A Coruña
Coordenadas	43°04′38″N 8°14′40″O
Área	16,33 km²
Poboación	304 hab. (2021)
Densidade	18,62 hab./km²
Entidades de poboación	18
[ editar datos en Wikidata ]

A capital municipal localízase no lugar do Campo das Mentiras.

Patrimonio

A igrexa parroquial de San Salvador de Xanceda data do século XVIII, ten planta en cruz latina. No interior sepárase o presbiterio do resto da construción por un arco de triunfo.

A Casa Grande de Xanceda era unha casa señorial dedicada á explotación agrícola. Foi construída no século XVIII e pertenceu ao Marquesado de San Martiño de Ombreiro. Ten planta en de forma de L e conserva unha pequena torre cadrada. A Casa cumpriu as funcións de concello ata hai uns cincuenta anos.

O castro de Xanceda, no cal se atopou en 1974 o denominado tesouro de Xanceda, que está depositado no Museo Arqueolóxico e Histórico Castelo de Santo Antón.

Festas

• As Misas o 6 de agosto.
• San Bartolomeu o 24 e 25 de agosto.
• O Divino Salvador o 25 e 26 de decembro.

Galería de imaxes

Tesouro de Xanceda.  Torque datado no 200-50 a. C.  Outro dos torques do tesouro

Lugares e parroquias

Véxase tamén

Bibliografía

• Ladra Fernández, Xosé Lois (2004). "Os torques do Castro de Xanceda" (PDF). Anuario Brigantino (Betanzos) (27): 91–116. ISSN 1130-7625. 

Outros artigos

• Lugares de Mesía

Ligazóns externas

• Xanceda na web do concello de Mesía