Mesía, Mesía

San Cristovo de Mesía é unha parroquia do concello de Mesía. Segundo o INE en 2023 tiña 359 habitantes (199 homes e 160 mulleres) distribuídos en 15 entidades de poboación, o que supón unha diminución en relación ao ano 1999 cando tiña 531 habitantes.

Mesía
Igrexa parroquial de San Cristovo.
Concello	Mesía
Provincia	A Coruña
Coordenadas	43°06′50″N 8°16′28″O
Área	14,26 km²
Poboación	359 hab. (2023)
Densidade	25,18 hab./km²
Entidades de poboación	24
[ editar datos en Wikidata ]

Xeografía

Localízase ao oeste do concello. Limita ao noroeste con Visantoña, ao suroeste con Olas, ao sueste con Xanceda, ao leste con Bascoi e ao norte co concello de Oza-Cesuras.

Caracterízase por ser accidentada con dúas zonas de pendentes diferenciadas. Por un lugar, a pendente acusada, na galla dun 13 a un 25 %, ao leste do río Samo e por outro lugar, unha pendente máis suave, dun 6 a un 13 % de pendentes, ao leste do río Samo. As cotas máis altas danse nesa primeira zona, chegando aos 462 metros de altitude no Monte Alfonsín.

Comunícase a través da estrada AC-223.

Patrimonio

A igrexa parroquial de San Cristovo de Mesía data do século XVIII, presenta planta de cruz grega. Dentro alberga un retablo ornamentado con pezas clásicas, encabezadas pola imaxe de San Cristovo.

O Pazo de Recelle data do século XVII, ten escudo na fachada. A estrutura é unha planta rectangular. Nas inmediacións atopamos un hórreo de tres cepas e unha fonte con pía de cantería.

Festas

• As Misas, na fin de semana despois de Corpus.
• San Cristovo, segunda fin de semana de xullo.
• Virxe das Mercedes o 8 e 9 de setembro.
• “Romaría dos Quintos” o 24 de setembro.

Lugares e parroquias

Véxase tamén

Outros artigos

• Lugares de Mesía