República Centroafricana
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2016.) |
Coordenadas: 7°N 21°L / 7, -21
A República Centroafricana[1][2] (en francés: République centrafricaine) é un país situado no centro de África. Limita co Chad ao norte, con Camerún ao oeste, coa República do Congo e a República Democrática do Congo ao sur, e con Sudán ao leste.
| República Centroafricana | |||
|---|---|---|---|
| République Centrafricaine Ködörösêse tî Bêafrîka | |||
| |||
| |||
.svg) | |||
| Lema: "Unité, Dignité, Travail" ("Unidade, Dignidade, Traballo", en francés) | |||
| Himno: La Renaissance | |||
| Capital • Poboación | Bangui 684 190 hab. (2005) | ||
| Cidade máis poboada | Bangui | ||
| Linguas oficiais | Francés e sango | ||
| Forma de goberno | República | ||
| Faustin-Archange Touadéra Félix Moloua | |||
| Independencia de Francia | 13 de agosto de 1960 | ||
| Superficie | Posto 43º | ||
| • Total | 622 984 km² | ||
| • % auga | 1 | ||
| Fronteiras | 5 203 km | ||
| Costas | 0 km | ||
| Poboación | Posto 124º | ||
| • Total (2007 est.) | 4 216 666 hab. | ||
| • Densidade | 6,77 hab./km² | ||
PIB (nominal) | |||
| • Total | n/d | ||
| • per cápita | n/d | ||
| PIB (PPA) | Posto 152º | ||
| • Total (2008) | 3 254 millóns US$ | ||
| • per cápita | 758 US$ | ||
| Moeda | Franco centroafricano | ||
| IDH (2010) | 0,310 (159º) – Baixo | ||
| Xentilicio | Centroafricano, -a | ||
| Fuso horario | UTC+1 | ||
| • Horario de verán | Non aplica | ||
| Dominio de Internet | .cf | ||
| Prefixo telefónico | +236 | ||
| Prefixo radiofónico | TLA-TLZ | ||
| Código ISO | 140 / CAF / CF | ||
Historia e políticaEditar
- Artigo principal: Historia da República Centroafricana.
Os franceses colonizaron a rexión a fins do século XIX. Durante a segunda guerra mundial, a colonia uniuse ás forzas aliadas.
Foi colonia francesa até 1960, cando obtivo a independencia. O seu primeiro presidente (David Dacko) organizou un autogolpe de estado e instaurou unha ditadura. En 1966 o xeneral Jean-Bédel Bokassa fixo un golpe de estado e autonomeouse presidente vitalicio e Mariscal da República. O 4 de decembro de 1976 Bokassa autoproclamouse Emperador e fundou o Imperio Centroafricano. En 1979, durante unha viaxe ó estranxeiro, Bokassa foi deposto e volveu á República.
En 1981 David Dacko volveu gaña-las eleccións, pero logo foi derrocado polo golpe militar do xeneral André Kolingba. En 1987 Bokassa volveu ó país e foi condenado a morte, o ano seguinte, o presidente Kolingba conmutou a sentenza por cadea perpetua.
O 2 de xullo de 1991 comezou un novo proceso constituínte para dar paso ó posterior multipartidismo. O 15 de marzo do 2003, François Bozizé chegou ó goberno grazas a un golpe de estado.
SubdivisiónsEditar
- Artigo principal: Subdivisións da República Centroafricana.
A República centroafricana está composta de 14 prefecturas e 2 prefecturas económicas. As 14 prefecturas son Bamingui-Bangoran, Base-Koteto, Alta-Koteto, Alta-Sangha, Alto-Mbomou, Kemo-Gribingui, Lobaye, Mbomou, Nana-Mambere, Ombella-Mpoko, Ouaka, Ouham, Ouham-Penda e Vakaga. As dúas prefecturas económicas son Gribingui e Sangha. Bangui ten o estatuto de concello.
XeografíaEditar
- Artigo principal: Xeografía da República Centroafricana.
A República centroafricana é un país enclavado. O Monte Ngaoui, cos seus 1.420 m, é o punto máis alto. O subsolo contén diamantes, uranio e ouro. O petróleo e maila enerxía hidroeléctrica son outros recursos importantes.
O país sofre de inundacións e de deforestación.
EconomíaEditar
- Artigo principal: Economía da República Centroafricana.
O ingreso por habitante era de 310 dólares no 2000. A agricultura representa o 55% do PIB. Os principais cultivos son as bananas, o millo, o café, o algodón e o tabaco.
DemografíaEditar
- Artigo principal: Demografía da República Centroafricana.
O país conta con máis de oitenta etnias falando cadansúa lingua diferente.
NotasEditar
- ↑ Definicións no Dicionario da Real Academia Galega e no Portal das Palabras para centroafricano.
- ↑ "Listaxe de países participantes en Rio2016, ordenados por continente" (PDF). Portal das Palabras. Consultado o 16 de agosto de 2016.
 |
Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |