Abrir o menú principal

Pilar Vázquez Cuesta

escritora e filóloga galega

Pilar Vázquez Cuesta, nada en Chantada o 25 de abril de 1926 e falecida en Santiago de Compostela o 6 de marzo de 2019,[1] foi unha escritora e filóloga galega.

Pilar Vázquez Cuesta
Medalla Castelao Icona vectorial.svg
Nome completoPilar Vázquez Cuesta
Nacemento25 de abril de 1926
 Chantada
Falecemento6 de marzo de 2019
 Santiago de Compostela
NacionalidadeEspaña
Alma máterUniversidade Complutense de Madrid
Ocupaciónescritora e filóloga
PaiDaniel Vázquez Campo
NaiModesta Cuesta Gutiérrez
XénerosEnsaio
PremiosMedalla Castelao
editar datos en Wikidata ]

TraxectoriaEditar

Filla de Daniel Vázquez Campo,[2] deputado nas constituíntes de 1931 pola ORGA, dedicou a súa vida ao ensino. A súa tía Luísa Cuesta xa fora profesora da Universidade de Santiago[3] antes da guerra e a súa nai, Modesta Cuesta, foi a primeira muller Licenciada en Farmacia pola Universidade de Santiago de Compostela.[4]

Despois de terminado o Bacharelato, matriculouse na Facultade de Filosofía e Letras na Universidade Complutense de Madrid e licenciouse en 1946. En 1976 acadou, por oposición, a praza de agregada de Lingua e Literatura Portuguesas na Universidade de Salamanca da que foi catedrática até 1988.[5] En 1988 volveu a Galiza cando se creou a Cátedra de Portugués na Facultade de Filoloxía de Santiago de Compostela que detentou ata a súa xubilación en 1991, momento en que foi nomeada Profesora Emérita de Filoloxía Galega e Portuguesa na Universidade de Santiago de Compostela.

Estudosa da cultura portuguesa e brasileira e á súa difusión en España, elaborou numerosos estudos, traballos de investigación e traducións ao castelán de autores portugueses e brasileiros, destacando a súa gramática portuguesa en español con Maria Albertina Mendes da Lus.

Publicou estudos sobre Eduardo Pondal, Rosalía de Castro, M. Curros Enríquez, Ramón Cabanillas, Castelao, Otero Pedrayo, Blanco Amor, Luís Seoane, Álvaro Cunqueiro, Lamas Carvajal...[6]

PublicaciónsEditar

EnsaioEditar

  • Gramática portuguesa (1949). Con Mendes da Lus, María Albertina (en castelán). Gredos. Madrid. Reeditada. II vols.
  • A poesía portuguesa actual (1976). Editora Nacional. Madrid. Ed. bilingüe castelán-portugués. 406 páxs. ISBN 9788427603318.
  • A língua e a cultura portuguesas no tempo dos Filipes (19886). Europa-América. En portugués. 152 páxs.
  • O que um falante de português deve saber acerca do galego (2002). Colibri. Cátedra de Estudos Galegos da Universidade de Lisboa. En Portugués.

Obras colectivasEditar

 
Problemática das línguas sen normalizar. Situación do galego e alternativas, 1980.
  • Problemática das línguas sen normalizar. Situación do galego e alternativas, 1980, AS-PG/Xistral.[7]
  • Situación e perspectivas do Galego, en Congresso sobre a situação da língua portuguesa no mundo, 1985, ICALP, Lisboa.
  • Escritores galegos contemporáneos. Participantes no encontro de escritores galegos e portugueses en Compostela, (setembro 1991) (1991, Xunta de Galicia). Coordinación con Henrique Monteagudo e Fernando Dacosta.

Obras sobre a autoraEditar

Obra en castelánEditar

Obras colectivasEditar

  • Literatura Gallega, en Historia de las literaturas hispánicas no castellanas, 1980, Taurus, Madrid.
  • A nosa literatura: unha interpretación para hoxe, 1982, Xistral.

DistinciónsEditar

NotasEditar

  1. Mociño, Isabel (7/3/2019). "Pilar Vázquez Cuesta". La Voz de Galicia. 
  2. Rina Simón, César (2015). "Pilar Vázquez Cuesta". Academia. Consultado o 7/3/2018. 
  3. "Xornal electrónico. Acontece". www.usc.es. Consultado o 7/3/2019. 
  4. "Historia de Chantada". Concello de Chantada. Consultado o 7/3/2019. 
  5. "Pilar Vázquez Cuesta". www.aelg.gal. Consultado o 7/3/2019. 
  6. "Pilar Vázquez Cuesta". Dialnet (en castelán). Consultado o 7/3/2019. 
  7. Problemática das línguas sen normalizar. Situación do galego e alternativas

Véxase taménEditar

BibliografíaEditar

Ligazóns externasEditar