Minos (en grego Μίνως) foi, segundo a mitoloxía grega, o rei de Creta, cuxa esposa, Pasífae, era a nai do Minotauro. Era fillo de Zeus coa princesa Europa. Despois de morto, descendeu ao mundo subterráneo onde se tornou nun dos xuíces dos mortos.

«Alí está Minos», A Divina comedia (Inferno, canto V, liña 4). Ilustración de Gustave Doré

No inferno de Dante, Minos escoita as confesións dos mortos e asígnaos a un círculo e subcírculo específico de acordo coa falta máis grave relatada.