Luís Varela Sobrado
Luís Varela Sobrado, nado en Palmou (Lalín) en 1907 e finado en Tenorio (Cerdedo-Cotobade) o 9 de novembro de 1936, foi un canteiro e sindicalista galego.
| Biografía | |
|---|---|
| Nacemento | 1907  Palmou, España |
| Morte | 9 de novembro de 1936 (28/29 anos) Tenorio, España |
| Datos persoais | |
| País de nacionalidade | España |
| Actividade | |
| Ocupación | canteiro , sindicalista |
| Lingua | Lingua castelá |
Traxectoria editar
Co inicio das obras do ferrocarril Ourense-Santiago, trasládase a Botos. Afíliouse á Sociedade obreira La Equidad converténdose no seu presidente. Foi detido en novembro de 1934 xunto con José González, acusado de coacción aos obreiros do ferrocarril con motivo da folga xeral revolucionaria de 1934. Ao producirso o golpe de Estado do 18 de xullo de 1936 acudiu a Lalín o día 19. Participou na reunión con Manuel Ferreiro do día seguinte. Foi detido o 1 de setembro e internado no Cuartelillo de Falange. Alí foi torturado, obrigado a asinar unha declaración inculpatoria e a entregar os libros da Sociedade, que serviron aos falanxistas para practicar novas detencións. Foi trasladado o 4 de novembro á illa de San Simón, de onde o sacaron o 9 de novembro de 1936 xunto a outros dez de Lalín e Arbo, para asasinalos na Volta do Couto, na parroquia de Tenorio (Concello de Cotobade).
Vida persoal editar
Casou con Leonisa González en 1932. Tivo dous fillos: Germán Varela González e Elena Varela González.
Véxase tamén editar
Bibliografía editar
- Igrexas, Manuel: "A masacre dos líderes obreiros en Tenorio" (30/8/2012) en Historias de Deza.
Ligazóns externas editar
- Luís Varela Sobrado na páxina web Nomes e Voces.