Infraestrutura

Denomínase infraestrutura a aquela realización humana deseñada e dirixida por profesionais da arquitectura, enxeñaría civil, urbanismo etc., que serven de soporte para o desenvolvemento doutras actividades e o seu funcionamento, necesario para a organización estrutural das cidades, territorios e empresas.

Rede española de autoestradas e autovías estatais e autonómicas.

Rede española de autoestradas de peaxe (ano 2012).

Este termo é utilizado habitualmente como sinónimo de obra pública por ser case sempre o Estado o encargado da súa construción e mantemento en razón da súa utilidade pública e dos custos de execución, xeralmente elevados.

Etimoloxía

O termo orixinouse a principios do século XX, e deriva do francés infrastructure, ue o formou coa forma latina infra-, "debaixo" e structure "estrutura".

Tipos de infraestruturas

Rede de ferrocarrís, unha das infraestruturas principais.

As autoestradas son unhas das infraestruturas máis usadas pola sociedade actual.

Antiga ponte do ferrocarril sobre o Ulla, en A Ponte Ulla, Vedra.

• Infraestruturas de transporte.
  • Transporte terrestre: vías: rúas, camiños, estradas, autoestradas, autovías, liñas de ferrocarril e pontes.
  • Transporte marítimo: portos e canais.
  • Transporte aéreo: aeroportos.
• Infraestruturas enerxéticas.
  • Redes de electricidade: alta tensión, media tensión, baixa tensión, transformación (subestacións), distribución e iluminación pública.
  • Redes de distribución de calor: calefacción urbana.
  • Redes de combustíbeis: oleodutos, gasodutos etc.
  • Outras fontes de enerxía: encoros para enerxía hidráulica, parques eólicos, centrais térmicas, centrais nucleares, enerxía mareomotriz etc.
• Infraestruturas hidráulicas.
  • Redes de auga potábel: encoros, depósitos, tratamento e distribución.
  • Redes de desaugadoiro: cloacas, estacións depuradoras.
  • Redes de reciclaxe: recollida de residuos, vertedoiros de lixo, incineradoras etc.
• Infraestruturas de telecomunicacións.
  • Redes de telefonía fixa.
  • Redes de televisión de sinal pechado.
  • Redes de repetidores.
  • Redes de fibra óptica.
  • Celas de telefonía celular.
• Infraestruturas de edificación.
  • Vivenda.
  • Comercio.
  • Industria.
  • Saúde: hospitais, centros de saúde (ambulatorios) etc.
  • Educación: centros de educación preescolar, educación infantil, educación primaria, educación secundaria, formación profesional, ecuación especial, universidades.
  • Lecer: parques e xardíns.
• etc.

Impacto ambiental

As grandes obras de infraestrutura moitas veces xeran impactos sociais e ambientais, poñendo en risco a saúde e benestar das comunidades afectadas, polo que precisan de exhaustivos estudos de impacto ambiental previos á súa realización.

Infraestruturas verdes

Así mesmo, tamén se denominan infraestruturas ás chamadas "infraestruturas verdes", que se compoñen principalmente de vexetación e solos, e que teñen o obxectivo de mellorar a xestión da auga da chuvia dos ambientes construídos, con beneficios laterais tales como mellora na calidade do aire, redución do efecto "illa de calor" etc.

Véxase tamén

Bibliografía

• Ascher, Kate (2007): The works: anatomy of a city. Nova York: Penguin Press. ISBN 978-0143112709.
• Hayes, Brian (2005): Infrastructure: the book of everything for the industrial landscape. Nova York: Norton. ISBN 978-0393329599.
• Huler, Scott (2010): On the grid: a plot of land, an average neighborhood, and the systems that make our world work. Emmaus, Penn.: Rodale. ISBN 978-1-60529-647-0.

Outros artigos

• Obra pública

Ligazóns externas

• World Bank Infrastructure for Development (en inglés)
• Generation Infrastructures international research programme (en inglés)
• What is a megaproject (en inglés)
• Body of Knowledge on Infrastructure Regulation (en inglés)
• Card on America's Infrastructure (en inglés)