Ecotipo

Catro diferentes ecotipos de Physcomitrella patens

As Candorcas (Orcinus orca) para algúns biólogos distribúense en distintos ecotipos, mentres para outros constitúen especies ou subespecies distintas.

Bioloxía

En bioloxía un ecotipo é unha subpoboación dunha especie dada, adaptada a un medio de vida preciso, a un solo, clima ou contorno biolóxico, como consecuencia dunha selección natural prolongada. É esa poboación de plantas ou animais xeneticamente diferenciada nun hábitat específico, un ambiente particular ou un ecosistema definido, cuns límites de tolerancia aos factores ambientais.

O ecotipismo é unha forma de variación asociada ao medio e non implica necesariamente a separación de poboacións en áreas xeográficas illadas entre si. En opinión dalgúns ecólogos o termo é algo ambiguo. É unha mesma especie que en ambientes diferentes teñen unha expresión fenotípica distinta pola interacción dos xenes co medio ambiente. Un exemplo disto é o do lobo (Canis lupus L., 1758) na costa central da Columbia Británica. Os datos de nichos dietéticos e de prevalencia de parasitos do lobo indican unha forte diverxencia ecolóxica entre os orientados ao mar que habitan nas illas e cuxa dieta provén nun 90% do mar, e os individuos da costa do Pacífico que interactúan principalmente con presas terrestres. Os poboadores indíxenas xa distinguían entre os dous tipos de lobos.

O termo ecotipo foi proposto en 1922 polo botánico sueco Göte Turesson, xunto ao de agamospecie . Un ecotipo, como tal, non é ningunha posición taxonómica, porén ás veces os criterios para definir un ecotipo, subespecie ou especie diferenciados son difusos.

Arquitectura

En arquitectura, ecotipo é o tipo de edificación adaptada ao clima da súa contorna e construída con materiais autóctonos, moi propio da arquitectura popular tradicional. Actualmente, a que resulta de aplicar os criterios de sustentabilidade nunha contorna determinada.

Antropoloxía

En antropoloxía, ecotipo é igual a paisaxe, transformación da natureza para aproveitar mellor os recursos.

Véxase tamén

Outros artigos

• Arquitectura sustentábel
• Especie en anel