Condado de Tours

O condado de Tours era unha xurisdición feudal de Francia centrada na cidade de Tours. Xa existía no tempo dos carolinxios.

Condados de Francia sobre 1030.

Condados de Francia sobre 1180.

Condes carolinxios

• - 828 - Hugo de Tours e Alta Alsacia (Sundgau) chamado Hugo o Nugallán (765 - † 837), da familia dos Eticónidas, destituído en 828. Era o pai de Berta, a muller de Xerardo do Rosellón.
• Viviano, conde cara a mediados do século IX.
• 860 - 866: Roberto o forte († 866), marqués de Neustria.
• 866 - 886: Hugo o Abade († 886), cuñado de Roberto o Forte e neto de Hugo o Nugallán.
• 886 - 888: Odón († 898), rei de Francia no 898, fillo máis vello de Roberto o Forte
• 902: Roberto, quizais o irmán do precedente.

Vizcondes de Tours

Durante o goberno de Hugo o Abade que administraba varios condados, designáronse en Tours vizcondes no senso inicial do termo, dicir, o representante do conde que desempeñaba as funcións do conde en ausencia do titular:

• Hardrad (morto despois do 898).
• sobre 878- 888: Ingelgario, posto como representante real en Tours por Lois II o Tatexo.
• ? 909: Folque I († ap.941), conde de Anjou, vizconde de Tours.
• ??? - 943: Teobaldo o Vello († 943), vizconde de Blois.
• 943 - 975: Teobaldo I o Tramposo († 975), conde de Blois e de Chartres, fillo. Casou con Liutgarda de Vermandois. Aproveitando as loitas no reino, tomou o título de Conde de Tours cando só era vizconde.

Condes de Tours

• 975 - 995: Eudes I († 995), conde de Blois, de Chartres, de Tours, de Châteaudun, de Provins e de Reims (982-995), fillo. Casou con Berta de Borgoña.
• 995 - 1004: Teobaldo II († 1004), conde de Blois, de Chartres, de Tours, de Chateaudun, de Provins e de Reims, fillo.
• 1004 - 1037: Eudes II († 1037), conde de Blois, de Chartres, de Tours, de Chateaudun, de Provins, de Reims, despois de Meaux e de Troyes (como Eudes I), irmán. Casou en primeiras nupcias en 1103 con Matilda de Normandía († 1006) e en segundas nupcias con Ermengarda de Auvernia.
• 1037 - 1041: Teobaldo III (1019 - 1089), Conde de Blois, de Chartres, de Tours, de Chateaudun, de Provins, de Meaux e de Troyes (os dous últimos como Teobaldo I), fillo de Eudes II e Ermengarda de Auvernia. Casou en primeiras nupcias con Garsenda do Maine e en segundas nupcias con Adelaida de Valois.

Nos séculos X e XI disputouse o condado de Tours entre os teobaldianos e os ingelgerianos descendentes de Folque I o Roxo, conde de Anjou. En 1041 o conde de Anjou Godofredo II Martel impúxose finalmente na batalla de Nouy e dominou o condado de Tours.

Ingelgerianos

Os condes de Anjou posuían o título sen levar o título:

• 1041 - 1060: Godofredo II Martel († 1060).
• 1060 - 1068: Godofredo III o Barbudo († despois de 1096).
• 1068 - 1109: Folque IV o Tiburón (1043 - 1109).
• 1109 - 1129: Folque V o Xove, que foi rei de Xerusalén (1095 - 1143).
• 1129 - 1151: Godofredo V o Belo ou Plantagenet (1113 - 1151).
• 1151 - 1189: Henrique II, rei de Inglaterra (1133 † 1189).
• 1189 - 1199: Ricardo I Corazón de León (1157 † 1199).
• 1199 - 1204: Xoán sen Terra (1167 † 1219).

En 1204 o condado foi conquistado polo rei Filipe Augusto de Francia e unido ao dominio real.

Condes e duques de Turena en asignacion

A Turena, similar ao antigo condado, entregouse en asignacin aos cadetes da familia real de Francia.

• 1346 - 1375: Filipe de Francia (1336 † 1375), duque de Orleáns e duque de Turena, fillo do rei Filipe VI de Francia e de Xoana de Borgoña.

Armas de Filipe l'Agosserat, que se converteron nas de Turena

• 1360 - 1363: Filipe o Intrépido (1342 † 1404), duque de Turena, despois duque de Borgoña, fillo do rei Xoán II de Francia e Bona de Luxemburgo. Renunciou a Turena en 1363 a cambio do Ducado de Borgoña.
• 1363 - 1364: Carlos de Francia (1337 † 1380), delfín, duque de Turena, rei de Francia co nome de Carlos V en 1364, o fillo máis vello do rei Xoán II de Francia e Bona de Luxemburgo .
• 1370 - 1384: Lois I de Anjou , duque de Anjou, rei de Nápoles, duque de Turena, fillo de Xoán II de Francia e Bona de Luxemburgo.
• 1387 - 1407: Lois I de Orleáns (1372 † 1407), duque de Orleáns e Turena, fillo de Carlos V, rei de Francia e Xoana de Borbón.
• 1407 - 1417: Xoán de Francia (1398 † 1417), duque de Turena e delfín, fillo do rei Carlos VI de Francia e Isabel de Baviera.
• 1417 - 1422: Carlos (1403 † 1461), duque de Turena e delfín, irmán do anterior, despois rei como Carlos VII de Francia.