Colección Benito Soto

A colección Benito Soto foi un proxecto editorial levado a cabo en Pontevedra entre 1948 e 1952 por Emilio Álvarez Negreira, Manuel Cuña Novás e Sabino Torres. Debe o seu nome a Benito Soto, o pirata da Moureira.

Colección Benito Soto
Tipo	editorial
Data de fundación	1948
Fundador(es)	Emilio Álvarez Negreira, Manuel Cuña Novás e Sabino Torres
Nomeado en referencia a	Benito Soto
Sede	Pontevedra
País	Galicia
[ editar datos en Wikidata ]

Para outras páxinas con títulos homónimos véxase: Soto.

Placa conmemorativa no edificio onde estaba o obradoiro de Gráficas Torres.

O proxecto

Naceu como proxecto para editar os libros de poesía deses autores, convidando aos seus coñecidos a facer o mesmo, tanto en lingua galega como en castelán.

Álvarez Negreira era o máis novo do grupo, pero o que tiña maior entusiasmo, polo que foi designado director nun inicio. As obras imprimíanse en Gráficas Torres, a imprenta do pai de Sabino Torres, polo que foi nomeado editor. As dúas primeiras publicacións editáronse a comezos de 1949: Madrigal, do propio Álvarez Negreira, e Fabulario novo, de Cuña Novás. Entón pediron a colaboración de Celso Emilio Ferreiro, nese momento un poeta xa consagrado que participaba na vida intelectual pontevedresa. Trala súa chegada, Sabino Torres (en certa medida o mecenas do grupo), designouno director, pasando Álvarez Negreira á secretaría. Con todo, a efectos reais seguiu facendo as funcións de dirección, poñéndose en contacto cos autores e seleccionando os textos.

Libros editados

• Madrigal (Emilio Álvarez Negreira, 1948)
• Como el río (Sabino Torres, 1948)
• Poemas de ti e de min (Xosé María e Emilio Álvarez Blázquez, 1949)
• Musa Alemá (Celso Emilio Ferreiro en colaboración con Antonio Blanco Freijeiro, 1949)
• Triscos (Luís Pimentel, 1950)
• Muiñeiro de brétemas (Manuel María, 1950)
• Fabulario novo (Manuel Cuña Novás, 1952)
• Dona do corpo delgado (Álvaro Cunqueiro, 1950)
• Gárgolas (Tomás Barros, 1950)
• Anxo de terra (Ricardo Carballo Calero, 1950)
• Cantos de cotovía (Eliseo Alonso, 1950)
• El dios de los precipicios (José Ruibal Argibay, 1950)
• Cantigas da noite moza (Augusto Casas, 1950)
• Follas de un arbre senlleiro (Manuel Fabeiro, 1951)
• As canciós d'ise amor que se diz olvido (Juan Pérez Creus, 1951)

Véxase tamén

Outros artigos

• Hipocampo Amigo

Ligazóns externas

• Fernández pérez-Sanjulián, Carme (dir.) (2014- ). "Edición en Galiza durante a etapa franquista". Universidade da Coruña. ISSN 2605-4116. Consultado o 22/9/2018. 
• "A RAG lembra en Pontevedra a primeira colección que publicou en galego tras a guerra civil" 24/11/2019.