Emilio Álvarez Negreira
Emilio Álvarez Negreira, nado en Pontevedra o 9 de setembro de 1926 e finado na mesma cidade o 4 de xullo de 2002, foi un xornalista e poeta galego.
| Biografía | |
|---|---|
| Nacemento | 9 de setembro de 1926  Pontevedra, España |
| Morte | 4 de xullo de 2002 (75 anos) Pontevedra, España |
| Datos persoais | |
| País de nacionalidade | España |
| Actividade | |
| Ocupación | xornalista , poeta |
| Lingua | Lingua castelá |
| Familia | |
| Pai | José Álvarez Limeses |
Traxectoria editar
Fillo de José Álvarez Limeses e neto de Emilio Álvarez Giménez. Funcionario municipal. Formou parte das redaccións de Finisterre, Sonata Gallega, Litoral e Diario de Pontevedra, do que foi redactor xefe. Colaborou tamén en Agro, Ciudad, Alba, El Pueblo Gallego, La Noche, Faro de Vigo e El Ideal Gallego utilizando os pseudónimos Ramón de Silva, Emilio Ramón Álvarez e Era.
En 1949 colaborou con Sabino Torres na fundación da colección Benito Soto, na que publicou o poemario Madrigal. En 1992 editou Sonetos de Quicio Volante, no que reuniu poemas escritos entre 1950 e 1990. Recompilou textos que viron a luz na prensa entre 1947 e 1971 no volume La veleta apunta a Pontevedra (1991). A súa novela La pirueta foi candidata ao Premio Planeta.
Obras editar
Poesía editar
- Madrigal, 1948.
- Sonetos de Quicio Volante, 1992.
Ensaio editar
- La veleta apunta a Pontevedra, 1991.
Novela editar
- La pirueta
Véxase tamén editar
Bibliografía editar
- Dicionario biográfico de Galicia, Ir Indo Edicións, 2010-2011, Vigo.
Ligazóns externas editar
- Ficha do autor Arquivado 29 de xuño de 2012 en Wayback Machine. na web de Editorial Xerais
- Necrolóxica por Victor Freixanes en La Voz de Galicia, 5 de xullo de 2002