Litoral (Pontevedra)

Litoral foi un periódico editado en Pontevedra entre 1953 e 1958.

Litoral
Localidade	Pontevedra
[ editar datos en Wikidata ]

Para outras páxinas con títulos homónimos véxase: Litoral.

Historia e características

Apareceu en 1953 co subtítulo de Periódico de Pontevedra y su provincia. De periodicidade bisemanal (luns e xoves), a partir de abril de 1956 publícase tres veces por semana (luns, mércores e venres). Dirixido por Amancio Landín Carrasco, e polo seu irmán Rafael Landín Carrasco dende xuño de 1955, no consello de administración estaban José Pazó Montes, Xosé Filgueira Valverde e Francisco Javier Sánchez Cantón. Nela apareceron algunhas colaboracións de Celso Emilio Ferreiro e os primeiros textos de Méndez Ferrín, baixo o pseudónimo de Laín Feixoo. Cesou a súa edición o 19 de outubro de 1956.

Segunda etapa

Tivo unha segunda etapa, entre o 17 de agosto de 1957 e o 18 de xaneiro de 1958, editada por Domingo González Lucas e dirixida por Luciano del Río Besada.

Véxase tamén

Bibliografía

• "Litoral". Enciclopedia Galega Universal. Ir Indo. 1999-2002. ISBN 84-7680-288-9. 
• "Litoral". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8. 

Outros artigos

• Lista de publicacións impresas da provincia de Pontevedra

Ligazóns externas

• Torres, Xermán (29/8/2016). "Litoral - Pontevedra, 1953-1954" Filgueira Valverde, un sabio na corte do Teucro.