Sonata Gallega
Sonata Gallega foi unha revista editada en Pontevedra entre 1944 e 1949.
| Sonata Gallega | |
|---|---|
| País | España |
| [ editar datos en Wikidata ] | |
Historia e características editar
Subtitulada Publicación Céltiga e Revista de Galicia. Exponente literario y artístico de la región, apareceu en 1944. Estaba dirixida por Ramón Peña, que era o seu propietario. Emilio Álvarez Negreira foi o seu redactor. Entre os seus colaboradores figuraron Celso Emilio Ferreiro e Xosé María Díaz Castro no apartado de creación literaria, e José Bellver na fotografía. Nun primeiro momento tivo unha periodicidade de catro números ao ano, coincidindo coas catro estacións, pero a partir do número 9 de 1946, saíu de xeito irregular. Incluíu composicións literarias, fotografías e ilustracións, ademais de gravados, linóleos e debuxos, artigos de temática galega e local, homenaxes e retratos biográficos, e críticas literarias e recensións. Cesou a súa publicación co número 12 en 1949. Reapareceu en 1952 nun suplemento especial dedicado ás festas de Guadalupe de Rianxo.
Véxase tamén editar
Bibliografía editar
- Santos Gayoso, Enrique (1990). Historia de la Prensa Gallega 1800-1986. Sada: Do Castro. ISBN 84-7492-489-8.