Celso Albelo

Celso Albelo, nado en Santa Cruz de Tenerife en 1976, é un tenor español.

Celso Albelo

Biografía
Nacemento	17 de novembro de 1976 (48 anos) Santa Cruz de Tenerife, España
Actividade
Ocupación	cantante de ópera, actor
Período de actividade	2006 -
Tesitura	Tenor
Instrumento	Voz
Sitio web	celsoalbelo.com

Traxectoria

Nacido en Santa Cruz de Tenerife, recibiu as súas primeiras leccións de canto con Pilar Castro Palazón, ingresando posteriormente no Conservatorio Superior de Música da súa cidade con Isabel García Soto e na Escola Superior de Música Raíña Sofía de Madrid con Tom Krause e Manuel Cid, perfeccionándose máis tarde con Carlo Bergonzi na Accademia de Busseto.

En 2006 debutou co personaxe do Duca di Mantova de Rigoletto (Verdi) en Busseto , xunto a Leo Nucci. Logo cantou no Teatro alla Scala de Milán (Pagliacci) , no Gran Teatro La Fenice de Venecia (L’elisir d’amore), e no Rossini Opera Festival de Pésaro (Stabat Mater), na Accademia de Santa Cecilia en Roma (Guillaume Tell), no Teatro Verdi de Trieste (Don Pasquale, Les pêcheurs de perles, Maria Stuarda), o Carlo Felice de Xénova (Don Pasquale), no Comunale de Boloña (I puritani), o Verdi de Salerno (Lucia di Lammermoor, I puritani), o Lirico de Cagliari (Falstaff, L’elisir d’amore), o Festival das Termas de Caracalla de Roma (Rigoletto), o Massimo Bellini de Catania (Maria Stuarda), o Teatro Real de Madrid (Rigoletto), el Pérez Galdós de Las Palmas de Gran Canaria (La Sonnambula, L’elisir d’amore), o Teatro Campoamor de Oviedo, o Festival de Ópera da Coruña (Rigoletto, Don Pasquale, I puritani, La Fille du régiment), o Festival Castell de Peralada (Don Pasquale), o Opernhaus de Zürich (Rigoletto, Don Pasquale, La Juive, Gianni Schicchi, Maria Stuarda), o Festival de Ópera de Savonlinna (I puritani), o Festspielhaus Baden-Baden (La Sonnambula), o Ópera de Toquio (Lakmé), Ópera de Montecarlo (Rigoletto), a Ópera de Hamburgo (L’elisir d’amore) e o Concertgebouw de Ámsterdam (Guillaume Tell).

Repertorio

Repertorio operístico

Personaxe	Título	Compositor
Gualterio	Il pirata	Bellini
Elvino	La sonnambula	Bellini
Arturo	I puritani	Bellini
Nadir	Les Percheurs de Perles	Bizet
Gerald	Lakmé	Delibes
Percy	Anna Bolena	Donizetti
Nemorino	L'elisir d'amore	Donizetti
Leicester	Maria Stuarda	Donizetti
Edgardo	Lucia di Lammermoor	Donizetti
Tonio	La Fille du régiment	Donizetti
Ernesto	Don Pasquale	Donizetti
Leopold	La Juive	Halévy
Arlecchino	Pagliacci	Leoncavallo
Don Ottavio	Don Giovanni	Mozart
Ferrando	Così fan tutte	Mozart
Rinuccio	Gianni Schicchi	Puccini
Ruodi, pescador	Guillaume Tell	Rossini
Duca di Mantova	Rigoletto	Verdi
Fenton	Falstaff	Verdi

Outras obras do seu repertorio:

• Stabat Mater (Rossini)
• Petit Messe Solennelle (Rossini)

Premios

Celso Albelo foi galardoado nos Premios Ópera Actual 2008, o Oscar da Lírica da Fundación Verona per l’Arena (2010) e o Premio Lírico Teatro Campoamor 2010 na categoría Cantante revelación.

Véxase tamén

Ligazóns externas

• "Una voz en la cumbre". El Día. 31 de xullo de 2011. Arquivado dende o orixinal o 12 de abril de 2013. Consultado o 02 de agosto de 2012.  (en castelán)
• Un Duc de Mantue tres doue a Monaco, PodcastJournal (en francés)
• «O Festival de Ópera da Coruña foi o primeiro que creu en min» en La Voz de Galicia (en galego)