Castrelo de Abaixo, Riós
Santa María de Castrelo de Abaixo é unha parroquia do concello ourensán de Riós na comarca de Verín. Segundo o IGE en 2011 tiña 79 habitantes (40 mulleres e 39 homes), repartidos entre os lugares de Castrelo de Abaixo e A Silva, o que supón unha diminución en relación ao ano 1999 cando tiña 121 habitantes. Non obstante, moitos dos veciños censados atópanse actualmente noutros concellos ou na emigración.
Castrelo de Abaixo | |
---|---|
Igrexa parroquial | |
Concello | Riós[1] |
Provincia | Ourense |
Coordenadas | 41°56′48″N 7°12′01″O / 41.94663889, -7.20022222Coordenadas: 41°56′48″N 7°12′01″O / 41.94663889, -7.20022222 |
Poboación | 79 hab. (2011) |
Entidades de poboación | 2[1] |
[ editar datos en Wikidata ] |
Clima e contorno editar
A parroquia e así mesmo o concello de Riós, posúe un marcado clima mediterráneo de montaña e aloxa algunhas especies de flora: aciñeira (Quercus ilex ssp. rotundifolia), escornacabras (Pistacia terebinthus), Arce de Montpelier (Acer monspessulanum) e fauna: abelleiro (Merops apiaster), andoriña dáurica (Hirundo daurica), gaio azul (Coracias garrulus), osga(Tarentola mauritanica), especialmente raras en Galicia.
Na parroquia de Castrelo de Abaixo atópase Trambolosríos e A Fraga do Curral, lugar onde se cruzan os ríos Mente e Arzoá, de grande importancia ecolóxica, natural e paisaxística, que linda co Parque Natural de Montesinho en Portugal, e co parque natural do Invernadeiro, no Macizo Central ourensán. A vista dende o monte coñecido como a Fraga do Curral mostra un val de pronunciadas ladeiras e cortados fluviais de filitas.
Historia editar
O topónimo de Castrelo ("Pequeno Castro"), así como algúns obxectos atopados nos arredores da poboación, poderían indicar unha continua presenza humana desde época romana. O topónimo é compartido pola parroquia veciña de Castrelo de Cima, e polo monte coñecido como o Castrellón. Nas proximidades tamén se atopa un antigo castro coñecido popularmente como A Cavanca dos Mouros e que foi escavado fai unhas décadas, onde se atoparon diversos obxectos arqueolóxicos.
Na parroquia atópase un camiño de paso que comunica con Portugal e que é coñecido como Portantigo e que a miúdo foi utilizado polos contrabandistas durante tódalas épocas.
Entre 1812 e 1823 Castrelo de Abaixo formou parte do concello de Castrelo, pero a partir de 1835 pasou a formar parte do concello de Riós, que xurdiu coa unión dos anteriores concellos de Riós e Castrelo.
Festas editar
As festas celébranse en torno ós días 11 e 12 de agosto en honor de Santa María da Asunción, patroa da parroquia.
Lugares e parroquias editar
Lugares de Castrelo de Abaixo editar
Lugares da parroquia de Castrelo de Abaixo no concello ourensán de Riós | |
---|---|