Casahamlet

Casahamlet foi un estudio de teatro nado na cidade da Coruña en 1998 fundado por Manuel Lourenzo e Santiago Fernández. Á súa vez, créase unha compañía de teatro profesional (Compañía Casahamlet) e unha revista (Casahamlet, revista de teatro). Esta última, imprímese na Imprenta Provincial da Coruña.

Casahamlet revista de teatro
Formato de páxina	A4 (30 cm)
Nº de páxinas	100 aprox.
Fundación	1999
Remata	2012
Fundador	Manuel Lourenzo e Santiago Fernández
Lingua	Galego
Ámbito	Teatro
Periodicidade	Anual (maio)
[ editar datos en Wikidata ]

Historia

Fundación

Ante a necesidade de formación de novos actores, Casahamlet orixinouse nun primeiro momento como unha asociación do teatro e outras artes relacionadas (fotografía, cinema, radio, televisión…). Outro dos obxectivos que presenta é a lonxevidade da que pretende dotar as publicacións para que así perduren no tempo. Porén, tamén emprenderon diversos proxectos enfocados a diferentes ángulos: literatura, produción, realización, dirección, interpretación, mundo plástico e sonoro etc. Como consecuencia, en 1999 a compañía creou unha revista de teatro co obxectivo de promocionar novos autores galegos. Esta herdou o nome da propia compañía, que a denominou Casahamlet: Revista de teatro. Esta revista non soamente é un espazo para a publicación de obras, senón que tamén dá lugar a outros apartados estruturándose así cada publicación nunha primeira parte dedicada ao estudo teórico das diferentes artes relacionadas co teatro como pode ser o cinema, a radio, ou o audiovisual. A segunda parte da revista proxéctase como un apartado orientado á creación propia, mentres que o último apartado trataríase dun espazo exclusivamente de documentación do contido teórico e das artes no ámbito galego.

Tanto a compañía como a revista atribuíronlle un valor ao campo audiovisual de Galiza sendo un dos iniciadores máis importantes do cinema e do teatro galego.

Alén de Manuel Lourenzo e Santiago Fernández, o proxecto foi secundado por Euloxio Ruibal, Xesús Pisón, Gustavo Pernas Cora, Roberto Salgueiro, Raúl Dans etc.

Colaboradores

Ao longo dos catorce números, publicaron na revista numerosos autores entre os cales destacan pola súa reiterada participación: Manuel Lourenzo, João Guisan, Xesús Pisón, Raúl Dans, Gustavo Pernas Cora, Euloxio R. Ruibal, Roberto Salgueiro, Luísa Villalta, Henrique Rabuñal Corgo, Roberto Vidal Bolaño, Isaac Ferreira, Chus Pato, Jacobo Paz, Marcos Abalde, Eva F. Ferreira, Xavier Lama.

Alén dos creadores, a revista está composta por outros piares:

Directores

Desde a primeira publicación até a novena: director Francisco Pillado Mayor

Desde a décima publicación até a décimo cuarta: Isaac Ferreira

Consello de redacción

Santiago Fernández, Manuel Lourenzo e Xesús Pisón.

Deseño

Miguelanxo Varela

Consello científico (a partir do nº10)

Santiago Fernández, Manuel Lourenzo, Cilha Lourenço, Jacobo Paz e Xesús Pisón

Ilustración

Xosé Luis de Dios, Perfecto A. Estévez, Manuel Lourenzo, Aurichu Pereira, Ana Pillado Vega, Xesús Pisón, Blanca Silva, Miguelanxo Varela.

Capa	Contracapa
Francisco Pillado González	-
Isaac Díaz Ferreira	-
Xosé Luis de Dios	-
Francisco Pérez Porto	-
Miguelanxo Varela	-
Xesús Pisón	-
Xosé Blanco	-
Xesús Pisón	-
Luz Pozo Garza	Reimundo Patiño
Xesús Pisón	Xesús Pisón
Rodrigo Roel	Rodrigo Roel
Rodrigo Roel	Rodrigo Roel
Aurichu Pereira	Aurichu Pereira

Ámbitos

Alén de publicar a revista anual, representan obras teatrais profesionais, algúns membros da compañía como Gloria Rico, Chus Álvarez ou Cilha Lourenço imparten cursos, nos cales se traballa a expresión oral e a corporal, interpretación e improvisación ou divulgación de material informativo, así como programas ou publicacións.

Características

Casahamlet naceu como a única revista teatral en galego xunto coa revista RGT. Iniciouse principalmente para a investigación e difusión do teatro galego, así como para dar a coñecer autores galegos e promover novos creadores, que tras aparecer nesta revista, gran parte acadaron certa importancia nos anos posteriores.

As obras teatrais publicadas nesta revista caracterízanse por seren na súa maioría teatro galego contemporáneo. Boa parte desta produción créase baixo a autoría do propio Manuel Lourenzo, mais tamén se importan traballos de autores internacionais tales como Heidi Kühn-Bode ou Carlo Goldoni.

As creacións expostas na revista presentan un mínimo movemento escénico, sen grandes adornos ou escenarios, atribuíndolle maior importancia ao actor ou actriz, ao texto e á lingua.

Traballos

A seguir, na seguinte táboa móstranse os 14 números publicados da revista co seu respectivo título e o ano de publicación ademais dos autores que participaron en cada número coa súa correspondente obra:

Número	Título	Ano	Autores/as	Obras
1	"Especial Hamlet"	1999	João Guisan Manuel Lourenzo Xavier Picallo Xesús Pisón Henrique Rabuñal Luísa Villalta	Teatro instantáneo Falta Hamlet Hamlet kit kat Quero ser Hamlet, O cuarto de Ofelia Amleth, voz e verbo As certezas de Ofelia
2	"Teatro Galego na Coruña"	2000	María Pilar García Henrique Rabuñal Noemí Pazó Iolanda Orgando Xesús Pisón Raúl Dans Xosé Manuel García García Jenaro Mariña del Valle Xosé Luís Martínez Pereiro Paulino Pereiro Manoel Riveiro Loureiro	Os cadernos da compañía de teatro de Luís Seoane da Coruña Lar Os libros da Biblioteca-Arquivo Teatral Fancisco Pillado Mayor Pequeno formato para un grande proxecto: os Cadernos da Escola Dramática Galega Tres coleccións Algo gracioso O maldito escocés Nascerá unha estrela Panexírico da lapa A representación. Drama en catro cadros O ensaio
3	"María Casares"	2001	Manuel Lourenzo, Xesús Pisón e Miguel Anxo Fernán-Vello	O can, o libro e o espello. Misterio Charentés
4	"As paisaxes do drama"	2002	Daniel Cortezón Raúl Dans Miguel Anxo Fernán-Vello João Guisan Seixas Manuel Lourenzo Manuel María Xoán Carlos Mexuto Gustavo Pernas Cora Xesús Pisón Euloxio R. Ruibal Roberto Salgueiro Roberto Vidal Bolaño	As escaleiras mecánicas Día da festa Palabras na néboa dun xornalista As incertezas de Scotti, comédia filosófica Eclipses (fragmentos) Auto do alugado ou o encanto de Raboces Unha misión humanitária A vella sensación do prohibido, peza pintoresca e pinteriana Serpe Mariola, cronoxogo diédrico Poema dramático con cinco acotacións A increpación (Cinco variacións improbables arredor dun mesmo e brután maldicir)
5	"Monólogos"	2003	Isaac Ferreira Xavier Lama Gustavo Pernas Cora Xesús Pisón	Dique de abrigo Lección de teatro case sen pernas (Comedia tal vez macabra) De linces e vagalumes Parade de respirar
6	"Dramaturgos"	2004	Xabier Abalo Raúl Dans Lois Diéguez Isaac Ferreira Xosé Manuel García João Guisan Seixas Xavier Lama Manuel Lourenzo Xoán Carlos Mexuto Chus Pato Jacobo Paz Gustavo Pernas Cora Xesús Pisón Henrique Rabuñal Euloxio R. Ruibal Roberto Salgueiro Carme Sotelo Natalia Sueiro	Monólogos impresionistas O señor das tebras Solpores In extremis Lieder de beleza e morte Monólogo de homem invisível Congreso clandestino contra a beleza comprada. Textos da extirpación Liturxia de Tebas A boneca de trapo A miña confianza non é soluble Nai Mentres falo contigo. Monólogo para unha muller nun paso de cebra Fórmula para a criatura O vento da morte A escoita 194 Longa noite de agonía Monólogos
7	"A cidade"	2005	Raúl Dans Isaac Ferreira Xavier Lama Antón Lopo Manuel Lourenzo Jacobo Paz Gustavo Pernas Cora Xavier Picallo Xesús Pisón Henrique Rabuñal Euloxio R. Ruibal Roberto Salgueiro	Parque central O pavillón das cinzas A Cidade das Máscaras A ruína de Palmira Música nocturna Suicidio, S.A. Caníbales na cidade O porqué do por qué. Diálogos interruptus ou por qué deixamos de preguntar ó medrar Nocturno do Orzán O Miradoiro Vertixe Parque nunha cidade
8	"Teatro Histórico"	2006	Raúl Dans Miguel Anxo Fernán-Vello Isaac Ferreira Daniel D. García João Guisan Seixas Xavier Lama Antón Lopo Manuel Lourenzo Jacobo Paz Cándido Pazó Gustavo Pernas Cora Henrique Rabuñal Manoel Riveiro Loureiro Javier Seijas	A nena dos pés espidos A estrela perdida do teatro (monólogo rosaliano) O cerco de Vilanova Prisioneiro de Luna Cogito, ergo fui (comédia filosófica e drama informático para teatro cinematográfico sem rigor histórico) Lago Ludwig (xoguete dramático con cisnes negros) Rata-tatatán Frouseira F2 Reconquista. Pinceladas para un boceto As pílulas do dr. Negrín Catástrofe Azarola. Verdadeiro drama histórico no século XX da nosa era, que se desenvolve en cinco actos de moi pouco durar As cinco moas de Adolf
9	"Amor"	2007	Marcos Abalde Xabier Abalo Xose María Álvarez Cáccamo Afonso Becerra de Becerreá Yolanda Castaño Raúl Dans Eva F. Ferreira Isaac Ferreira João Guisan Freixas Heidi Kühn-Bode Xavier Lama Manuel Lourenzo Xosé Luís Martínez Pereiro Begoña Muñoz Saá Juan de Oliveira Jacobo Paz Gustavo Pernas Cora Xesús Pisón Henrique Rabuñal Manoel Riveiro Loureiro Euloxio R. Ruibal Vitor Vaqueiro Roi Vidal	Eugenesia (Paisagem humana com rã ao fundo) O trapecio do amor Soidades de amor que non chega Unha rosa entre as pernas Aténdeme Petite fleur Ela que come formigas A navalla Louvor do Desamor As bágoas de Luise Thermann A noite das sereas comestibles (Serie do Teatro Imposible) Diálogo coa morta no día do seu funeral Ovideo en compota Antes de Medea Crédito Raíña Cadáver Elevador 05 A túa boneca Amor móbil O Pau Ars amandi Monólogo sen título Xulieta's black hole (farsa de velocidade interestelar)
10	"Teatro fantástico"	2008	Marica Campo María do Cebreiro Raúl Dans Isaac Ferreira Xosé Manuel García García Teresa González Costa Manuel Lourenzo Zé Paredes Olga Patiño Jacobo Paz Olivia Pena Gustavo Pernas Cora Luz Pozo Garza Henrique Rabuñal Euloxio R. Ruibal	Monólogo dunha Xacia No Land Un conto de Nadal O Pozo do Encanto Co seu arume harpado Disolutos Lavandeira da noite Post-Mortem Mulleres fronte ao espello Lugares inhóspitos Verónika penitente Detrás da noticia Pálpito ( a dúas voces) Luscofusco Mamá Fedra
11	"O teatro de Xesús Pisón"	2009	Xesús Pisón	A Vía Láctea Os ollos Animal/Vacío
12	"Personaxes"	2010	Marcos Abalde Covelo Eva F. Fereira Teresa González Costa Carlos Labraña Manuel Lourenzo Jacobo Paz Olivia Pena Gustavo Pernas Cora Xesús Pisón Rubén Ruibal Roi Vidal	Liturgia de Jerusalém Servizos Nulla dies sine linea (Jaques Le Fataliste, de Denis Diderot Peter Pan no cabo do mundo A muller da xanela (Deianira) Azrael Absolut Wondrland: Fantasía macerada nunha botella de wodka Mala estrela Peza de Frankenstein Venecia é un espello Vampira
13	"Cunqueiro"	2011	Marcos Abalde Covelo Tucho Calvo Santiago Cortegoso Eva F. Ferreira Xosé Manuel García García Manuel Lourenzo Olivia Pena Gustavo Pernas Cora Henrique Rabuñal Rubén Ruibal Vanesa Sotelo Roi Vidal	Welcome to Lampedusa O Gatipedro Atención continuada Isto non é Dinamarca A frieza dos homes da brétema (Epílogo tropical para Gerda e Hamlet) Á sombra das carbas Noivado de lúa (e vento) Comodín de Miranda Con Cunqueiro no Paraíso O que pasou pola cabeza do "Vagabundo tocador de laúde que non espertará en toda a peza" da Función de Romeo e Xulieta, famosos namorados.... Naufraxia KinderTotenFuga (Poema dramático contra o paso do tempo)
14	"Teatro e Audiovisual"	2012	Marcos Abalde Covelo Santiago Cortegoso Raúl Dans Eva F. Ferreira Xosé Manuel García García Teresa González Costa Manuel Lourenzo Jacobo Paz Olivia Pena Gustavo Pernas Cora Rubén Ruibal Roi Vidal	As ratazanas sonham com a Irlanda Fondos propios Ondada Sen título. Instalación audiovisual para dúas actrices sobre fondo branco Un sudario para Ulises (Mnesterophonia) Breve adaptación teatral do filme Bunker Palace Hotel, de Enki Bilal Unha fruta, un can Obituario Se Martín Machado coñecese a Norman Bates Johnny Guitar cabalga de novo Galería O experimento

Espectáculos

A maior parte das representacións teatrais enfocadas a un público xuvenil son de creación propia.

• O soño das cidades (1999) Manuel Lourenzo
• O xardín dos contos (2000) Manuel Lourenzo e Pedro Rubín
• Mamasiña, que medo (2005) Chus Pereiro
• Animaliños (2006) Roberto Vidal Bolaño

Porén, os espectáculos dirixidos a un público máis adulto destacan por seren adaptacións.

• Plenilunio (1998) Chus Pato
• O incerto señor Don Hamlet, príncipe de Dinamarca (2000) Cunqueiro
• Hamlet e familia (2001) Cunqueiro, Shakespeare e Müller
• Fidalgo (2011) Ramón Otero Pedrayo

Véxase tamén

Bibliografía

• Revista Casahamlet, Casahamlet (1999). Especial Hamlet. A Coruña. 
• Revista Casahamlet, Casahamlet (2000). Teatro Galego na Coruña. A Coruña
• Revista Casahamlet, Casahamlet (2001). María Casares. A Coruña
• Revista Casahamlet, Casahamlet (2002). As paisaxes do drama. A Coruña
• Revista Casahamlet, Casahamlet (2003). Monólogos. A Coruña
• Revista Casahamlet, Casahamlet (2004). Dramaturgos. A Coruña
• Revista Casahamlet, Casahamlet (2005). A cidade. A Coruña
• Revista Casahamlet, Casahamlet (2006). Teatro Histórico. A Coruña
• Revista Casahamlet, Casahamlet (2007). Amor. A Coruña
• Revista Casahamlet, Casahamlet (2008). Teatro fantástico. A Coruña
• Revista Casahamlet, Casahamlet (2009). O teatro de Xesús Pisón. A Coruña
• Revista Casahamlet, Casahamlet (2010). Personaxes. A Coruña
• Revista Casahamlet, Casahamlet (2011). Cunqueiro. A Coruña
• Revista Casahamlet, Casahamlet (2012). Teatro e Audiovisual. A Coruña
• Ferreira, Isaac (2008). Dez anos de Casahamlet. A Coruña. 

Ligazóns externas

• "CasaHamlet". blogdecasahamlet.blogspot.com.es. 
• "Dez anos Casahamlet" (PDF). culturagalega.gal. 
• "Dialnet". 
• Biblioteca da UDC
• Catálogo Biblioteca UDC
• "Biblioteca USC".