Areas, Ponteareas

Para outras páxinas con títulos homónimos véxase: Areas.

Santa María de Areas é unha parroquia que se localiza no concello de Ponteareas. Segundo o padrón municipal de 2018 tiña 1007 habitantes (504 mulleres e 503 homes), distribuídos en 9 entidades de poboación, o que supón unha diminución en relación ao ano 2004 cando tiña 1.091 habitantes.

Areas
Igrexa parroquial
Concello	Ponteareas
Provincia	Pontevedra
Coordenadas	42°11′08″N 8°32′35″O
Poboación	1.007 hab. (2018)
Entidades de poboación	9
[ editar datos en Wikidata ]

Historia

A parroquia foi entregada á Igrexa de Compostela polo Rei Afonso III, nos anos 893 e 899.

Patrimonio

A igrexa de Santa María de Areas foi levantada en 1878, para substituír a antiga situada na Fox, no lugar de Ganade e que, debido á súa proximidade ao Río Tea, sufría frecuentes inundacións. Nela sobresae un retablo de pedra adicado á Virxe das Dores e da Paixón do Señor, obra do canteiro José Cerviño García.

A capela de San Brais é do século XVII e a de Santa Lucía do século XVIII.

O pazo de Porto Barreiro, dos Ponce de León, na súa maioría obra do século XVIII.

Demografía

Anos	2018	2017	2016	2015	2014
Homes	503	500	508	511	518
Mulleres	504	513	508	507	516
Total	1007	1013	1016	1018	1034

Galería de imaxes

• 
  Fachada da igrexa.
• 
  Cruceiro no adro.

Lugares e parroquias

Véxase tamén

Outros artigos

• Lugares de Ponteareas

Ligazóns externas

• Areas na web do concello de Ponteareas^{[Ligazón morta]}