Amparo López Jeán
Rita Amparo López Jean, nada en Vilaboa (Culleredo) o 30 de outubro de 1885 e finada en Montauban (Francia) o 12 de novembro de 1942, foi unha activista galeguista, presidenta da Agrupación Republicana Femenina da Coruña.
| Biografía | |
|---|---|
| Nacemento | (gl) Amparo López Jean  30 de outubro de 1885 Vilaboa, España |
| Morte | 12 de novembro de 1942 (57 anos) Montauban (Francia) |
| Lugar de sepultura | cemiterio de Santo Amaro da Coruña |
| Datos persoais | |
| Residencia | Culleredo Barcelona Vimoutiers Vichy Valencia Soria Madrid A Coruña Montauban |
| País de nacionalidade | España |
| Actividade | |
| Ocupación | política , suffragette |
| Partido político | Partido Galeguista |
| Lingua | Lingua galega |
| Familia | |
| Cónxuxe | César Alvajar |
| Fillos | Amparo Alvajar, María Teresa Alvajar, Ana María Alvajar L. Jean, Javier Alvajar López |
 | |
Traxectoria editar
Filla de Adela Jeán Toca e de Sabino María López, avogado e secretario do concello de Culleredo, criouse en Vilaboa, onde a súa nai era mestra. Anos máis tarde trasladouse coa nai, xa viúva, á Coruña. Nesta cidade matriculouse no Instituto Eusebio da Guarda da Coruña e posteriormente estudou Maxisterio. Ao mesmo tempo estudou canto e piano baixo a dirección de Xosé Baldomir e pintura con Máximo Ramos. Casada co coñecido político republicano César Alvajar, tivo un papel moi destacado na Agrupación Republicana Femenina entre 1933 e 1936, da que foi secretaria e presidenta. En 1935 ingresou no Partido Galeguista.
Co triunfo da Fronte Popular trasladouse a Soria, onde o seu home fora nomeado Gobernador Civil. Durante a guerra civil o matrimonio viviu en Madrid, Valencia e Barcelona. En Barcelona foi nomeada Secretaria Xeral do Grupo Feminino Galeguista.
Rematada a guerra, exiliouse en Francia, na localidade de Vimoutiers, e tras a ocupación nazi viviu en Vichy e Montauban. Morreu en 1942. Os seus restos foron trasladados ao cemiterio de Santo Amaro no 2006.
Foi a nai de Amparo, Ana María, Javier e María Teresa Alvajar López.
Véxase tamén editar
Bibliografía editar
- Pereira Martínez, Carlos (1998). "Mulleres e República. Aproximación ás asociacións de mulleres progresistas na Coruña republicana" (PDF). Anuario Brigantino (21): 255–290. Consultado o 26 de setembro de 2008.