A Barrela, Lousada, Carballedo

Para outras páxinas con títulos homónimos véxase: Barrela.

A Barrela é unha pequena vila da parroquia de Lousada, no concello de Carballedo na comarca de Chantada. Segundo o INE en 2018 tiña 220 habitantes (112 mulleres e 108 homes), 5 máis ca en 2017 e 2016, 18 máis ca en 2010 (100 mulleres e 98 homes) e un máis ca en 1999.

A Barrela
Estrada cara a Lugo
Parroquia	Lousada
Concello	Carballedo
Coordenadas	42°32′20″N 7°48′48″O
Poboación	220 hab. (2018)
[ editar datos en Wikidata ]

Na Barrela, capital do concello de Carballedo, atópanse os diferentes servizos, amais da casa consistorial, como a farmacia ou o centro de saúde. O día da feira é o 13 de cada mes.

Na Barrela naceu en 1906 María Isaura Vázquez, máis coñecida como Maruxa Villanueva. Tamén está moi ligada á Barrela a actriz María Vázquez, por ser a terra da súa nai e avós, e o escultor Buciños que tivo moitos anos un obradoiro na vila.

Toponimia

Barrela vén do termo prerromano barra + o diminutivo -ela. O termo "barra" podería referirse a unha casa baixa e de pouca altura, un depósito de leña ou palla no pallar ou unha cama de táboas..

A Barrela na cultura popular

Pra cireixas A Barrela,

pra comer ben en Taboada,

e pra merendas e festas,

as da terra de Chantada

Pra bos viños A Barrela,

pra boas mozas Chantada,

e pra boas enchedelas,

hai que achegarse a Taboada

Galería de imaxes

• 
  Praza xunto ao Concello
• 
  Zona do colexio
• 
  Campo de fútbol
• 
  Estrada cara a Castro
• 
  Estrada cara a Cea e Cartelos

Lugares e parroquias