Ánxel Romero Cerdeiriña
Ánxel Romero Cerdeiriña, nado en Riós o 3 de decembro de 1901 e finado o 22 de febreiro de 1987, foi un notario, escritor e político galego.
| Ánxel Romero Cerdeiriña | |
|---|---|
| Nacemento | 3 de decembro de 1901 |
| Lugar de nacemento | Riós |
| Falecemento | 22 de febreiro de 1987 |
| Nacionalidade | España |
| Alma máter | Universidade de Santiago de Compostela |
| Ocupación | notario e escritor |
| Cónxuxe | Pilar Monroset Guillén |
| Fillos | Pilar Romero Monroset |
| [ editar datos en Wikidata ] | |
TraxectoriaEditar
Formado en Ourense con Marcelo Macías e Antón Losada Diéguez, estudou Dereito na Universidade de Santiago de Compostela onde foi presidente da tuna compostelá e compañeiro de Fermín Bouza-Brey.
Foi socio fundador do Seminario de Estudos Galegos. Colaborou en Nós, Lar e Lareira, e publicou en 1926 a novela curta O karma de Farruco Filgueira. Posteriormente aprobou oposicións e estableceuse como notario.
Foi candidato nas Eleccións Xerais de 1931 e Eleccións Xerais de 1931 por Acción Republicana, partido de Manuel Azaña.
Dirixiu o Lar Gallego de Valencia e a súa publicación: Lareira (1950-1953).[1] Foi correspondente da Real Academia Galega.[2]
En 1977 acordouse a súa xubilación forzosa como notario de Madrid por ter cumprida a idade regulamentaria.[3]
ObrasEditar
- O karma de Farruco Filgueira, 1926, Lar.[4]
- La inscripción de la posesión y la inmatriculación registral, 1935.
- Estudios sobre el Derecho hereditario, 1947.
- Actos de disposicón sobre gananciales; un parche reglamentario, 1949
- En torno al concepto del derecho hereditario. "La última moda", 1950
- La transformación de las sociedades y la Ley de arrendamientos urbanos, 1975.
NotasEditar
- ↑ Vilavedra, Dolores, ed. (1997). Diccionario da Literatura Galega. Publicacións Periódicas II. Galaxia. p. 284. ISBN 84-8288-137-X.
- ↑ Membros da Academia. Correspondentes
- ↑ BOE n.º 13, de 15/1/1977, p. 1032
- ↑ Iglesias, Xabier (1/1/2013). "O karma de Farruco Filgueira". OslibrosdeAnxelCasal.blogspot.com.
Véxase taménEditar
BibliografíaEditar
- Carballo Calero, R. (1975) [1963]. Historia da literatura galega contemporánea. Galaxia. pp. 621–623. ISBN 84-7154-227-7.
- Fernández del Riego, F. (1992) [1990]. Diccionario de escritores en lingua galega (2ª ed.). Do Castro. p. 715. ISBN 84-7492-465-0.
- Mato, Alfonso (coord.) (2007). Ánxel Casal, un editor para un país. Consello da Cultura Galega. pp. 72–73. ISBN 978-84-96530-47-8.
- Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. p. 538. ISBN 84-8288-019-5.