Abrir o menú principal

Yolanda Díaz

política española

Yolanda Díaz Pérez, nada en Fene o 6 de maio de 1971, é unha dirixente política. Pertence á federación galega de Esquerda Unida, da que é a súa coordinadora dende 2005. Foi deputada no Parlamento de Galicia entre 2012 e 2016. Desde xaneiro de 2016 é deputada no Congreso dos Deputados. Nas eleccións xerais de España de 2019 é candidata na lista de En Común-Unidas Podemos ao Congreso pola Provincia de Pontevedra.

Yolanda Díaz Pérez
Yolanda Díaz

Actualmente no cargo
Dende o 13 de xaneiro de 2016

4 de decembro de 2012 – 2016

Escudo de Ferrol.svg
Tenente de alcalde de Ferrol
2007 – 2008

Datos persoais
Nacemento 6 de maio de 1971 (48 anos)
Fene, Galicia
Partido Esquerda Unida
Profesión Avogada
Twitter @Yolanda_Diaz_

Índice

TraxectoriaEditar

Filla de Xesús Díaz Díaz, ex secretario xeral de CCOO de Galicia e sobriña de Xosé Díaz Díaz, ex-deputado do BNG. Licenciada en Dereito pola Universidade de Santiago de Compostela, accedeu á coordinación xeral de EU en 2005, sendo a candidata da formación á presidencia da Xunta de Galicia nas eleccións dese ano. Obtivo uns 12.000 votos (0,8%), sendo a cuarta forza política máis votada.

Nas eleccións municipais de 2003, foi a cabeza de lista da formación á alcaldía de Ferrol, recuperando para a coalición representación no Concello, da que se vira privada no mandado precedente pola crise derivada na ruptura e xurdimento de Esquerda Galega-Os Verdes. Obtivo dúas actas de concelleiro, acompañada polo veterano dirixente Fernando Miramontes.

Acordo de goberno en FerrolEditar

 
Yolanda Díaz nunha manifestación de Queremos Galego.

Nas eleccións municipais de 2007, foi a cabeza de lista da formación á alcaldía de Ferrol. Obtivo 5.203 votos (14,19%) e catro concelleiros (xunto a ela: Javier Galán, Miguel Reimúndez e Sari Alabau). Tras formalizar un acordo para un goberno coaligado co PSOE, resultou elixido alcalde o candidato socialista Vicente Irisarri, con Yolanda Díaz como primeira tenente de alcaldía.

O 28 de outubro de 2008 o goberno de coalición racha, permanecendo Irisarri como rexedor nun goberno en minoría canda o PSOE e pasando EU-IU á oposición. Yolanda Díaz mantense como voceira da súa formación.

Deputada do Parlamento de GaliciaEditar

En 2012 foi candidata de Alternativa Galega de Esquerda ás eleccións ao Parlamento de Galicia pola provincia da Coruña e foi elixida deputada.

Véxase taménEditar

Ligazóns externasEditar