Xosé Leira López

Non confundir con José Leyra Domínguez.

Xosé Leira López, nado en Valdoviño en 1951 e finado en Ferrol o 22 de outubro de 2019, foi un sociólogo e escritor galego.

Xosé Leira López

Biografía
Nacemento	1951 Valdoviño, España
Morte	22 de outubro de 2019 (67/68 anos) Ferrol, España
Datos persoais
País de nacionalidade	España
Educación	Universidade Complutense de Madrid
Actividade
Ocupación	sociólogo , poeta
Lingua	Lingua galega e lingua castelá

Traxectoria

Licenciado en Ciencias Políticas e Socioloxía pola Universidade Complutense de Madrid e doutor en Socioloxía pola Universidade da Coruña. Foi profesor titular de Socioloxía da Universidade da Coruña, coordinador de Mestrado en Xestión e Patrimonio Cultural e director, desde 1995, do proxecto cultural e de investigación Aulas no Camiño.

Os seus traballos de investigación sociolóxica están recollidos en máis de cincuenta publicacións: monografías, capítulos de libros e revistas científicas. Como escritor de literatura foi membro fundador na década dos 70 do Grupo de Comunicación Poética Rompente. Ten tamén artigos publicados en prensa e pronunciou conferencias en diversas universidades europeas.

Obras

Poesía

• Canto custa instalarse no amor, 1996, Espiral Maior.

Obras colectivas

• Poesía na noite, 1998, Concello de Caldas de Reis.
• O patrimonio e a cultura proxectual, un diálogo necesario, 2000, Deputación de Lugo. Con Rosa Méndez Fonte.
• A cidade como pretexto. Estratexias patrimoniais, 2002, Deputación de Lugo. Con Rosa Méndez Fonte.
• Alma de beiramar, 2002, Asociación de Escritores en Lingua Galega.
• As mulleres de Narón, 2004, Concello de Narón.
• A Coruña á luz das letras, 2008, Trifolium.

Véxase tamén

Ligazóns externas

• Xosé Leira López na páxina web da Asociación de Escritoras e Escritores en Lingua Galega.